• Isaya 40:9
    Bible—Ekadimwelo k’andja w’oyoyo

    •  9 Dɛ otsha lo dikona di’otale,

      Wɛ womoto lɛmba lokumu l’ɔlɔlɔ la Siɔna.+

      Diya dui diayɛ la wolo,

      Wɛ womoto lɛmba lokumu l’ɔlɔlɔ la Jɛrusalɛma.

      Diyadiɔ, tokake wɔma.

      Ewoya esomba wa la Juda wate: “Nzambi kanyu nde ɔnɛ.”+

  • Jɛrɛmiya 31:12
    Bible—Ekadimwelo k’andja w’oyoyo

    • 12 Vɔ wayoya ndo wayoda ekoko w’ɔngɛnɔngɛnɔ la diko dia Siɔna+

      Ndo wayonga l’ɔngɛnɔngɛnɔ l’ɔtɛ w’ɔlɔlɔ wa* Jehowa,

      L’ɔtɛ wa ntɔngɔ ndo wanu w’eyoyo+ la esɔ,

      Ndo l’ɔtɛ wa ɔsɔngɔ w’ɔkɔkɔ ndo ngɔmbɛ.+

      Vɔ* wayonga oko ekambɔ katɛwɔ ashi dimɛna,+

      Ndo vɔ hawɔlɛmbaki nto pondjo.”+

  • Jɛrɛmiya 33:10, 11
    Bible—Ekadimwelo k’andja w’oyoyo

    • 10 “Jehowa kata ate: ‘Lo dihole nɛ diayonyota ɔnɛ diekɔ nkɛtɛ ya shɛnga, diaha la onto kana elongalonga, lo esomba wa Juda ndo lo toshinga ta Jɛrusalɛma taya tɔngɔ to, taha la onto kana anto wadjasɛ kana dongalonga, wayooka nto 11 londjo la ɔlɔ ndo londjo la ɔngɛnɔngɛnɔ,+ dui dia otshuki ndo dui dia otshukami, dui dia wanɛ wata ɔnɛ: “Nyosha Jehowa kanga lolembelembe losaka, nɛ dia Jehowa ekɔ ɔlɔlɔ;+ ngandji kande ka kɔlamelo tshikalaka pondjo!”’+

      “‘Vɔ wayela elambo wa eokelo ka losaka lo luudu la Jehowa,+ nɛ dia dimi layokaloya ase wodja wele mfumbe oko wakidiɔ oma lo etatelo,’ mbata Jehowa.”