• Isaya 9:7
    Bible—Ekadimwelo k’andja w’oyoyo

    •  7 Lowandji* lande layotahamaka tsho

      Ndo wɔladi hatonga la ekomelo,+

      Lo kiti ka lowandji ka Davidɛ+ ndo lo diolelo diande

      Dia dishikikɛ nge+ ndo dia disukɛ

      Lo tshimbo ya sambo k’ɔlɔlɔ+ ndo losembwe,+

      Oma ko kakianɛ ndo pondjo pondjo.

      Ohetoheto wa Jehowa kanga lolembelembe mbayosala dui sɔ.

  • Isaya 11:4, 5
    Bible—Ekadimwelo k’andja w’oyoyo

    •  4 Nde ayolombosha tombolambola la losembwe,

      Ndo nde ayohangɔ lo yoho yosembwe lo wahɔ wa akanga wa memakana wa la nkɛtɛ.

      Nde ayɔkɔmɔla nkɛtɛ la danga di’onyɔ ande+

      Ndo ayodiaka kanga kɔlɔ la loowe* l’oma lo ɛlɔmɔ ande.+

       5 Losembwe kayonga oya lo lokende lande,

      Ndo kɔlamelo oya wa lo dikundju diande.+

  • Zɛkariya 9:9
    Bible—Ekadimwelo k’andja w’oyoyo

    •  9 Ɔna womoto la Siɔna le, ngɛnangɛna efula.

      Ɔna womoto la Jɛrusalɛma le, da ekoko wa edjelo k’otshumba.

      Eenda, nkumekanga kayɛ oyaye le yɛ.+

      Nde ekɔ ɔlɔlɔ, ekɔ lo ndjaye la panda,*

      Nde ekɔ la okitshakitsha+ ndo ekɔ lo ndjahema lo mponda,

      Lo ɔsɔngɔ wa mponda,* yana ya mponda+ ya wadi.