• Isaya 25:9
    Bible—Ekadimwelo k’andja w’oyoyo

    •  9 Lushi lɔsɔ vɔ wayota vate:

      “Nyende ɔnɛ kele Nzambi kaso!+

      Sho takalongamɛ le nde,+

      Ndo nde ayotoshimbɛ.+

      Ɔnɛ kele Jehowa!

      Sho takalongamɛ le nde.

      Nyɛsɔ tɔngɛnɛngɛnɛ ndo tonge l’ɔlɔ l’ɔtɛ wa panda k’oma le nde.”+

  • Zɛfaniya 3:16, 17
    Bible—Ekadimwelo k’andja w’oyoyo

    • 16 Wayotɛ Jɛrusalɛma lushi lɔsɔ ɔnɛ:

      “Siɔna+ le, tokake wɔma.

      Tetawɔke dia anya ayɛ nɛmba.

      17 Jehowa Nzambi kayɛ ekɔ l’atei+ ayɛ.

      Oko wende Kanga wolo, nde ayoshimbɛ.

      Nde ayɔngɛnangɛna lo dikambo diayɛ la ɔlɔ+ w’efula.

      Nde ayotshikala ki* lo ngandji kande.

      Nde ayɔngɛnangɛna lo dikambo diayɛ la ekoko w’ɔngɛnɔngɛnɔ.