19 Lam’edianyu washo l’olongo ndo lam’ɛnanyu wonya, ngɔndɔ la tɔɔtɔ, mbuta ate alembe tshɛ wa l’olongo, tanyokotɔmake dia kusamɛ diangɔ sɔ ndo dikambɛ.+ Jehowa Nzambi kanyu akadisha anto tshɛ wele l’ɛse olongo.

16 Vɔ wakatetemala mboka ɛlɛmbɛ tshɛ wa Jehowa Nzambi kawɔ ɔkɔngɔ ndo vɔ wakayasalɛ mpingu ya la mbolo ya tana 2 ta ngɔmbɛ+ ndo kimɛta ka l’osongo,*+ ndo vɔ wakakusamɛka alembe tshɛ wa l’olongo+ ndo wakakambɛ Baala.+

21 Manase+ aki l’ɛnɔnyi 12 lam’akandayala nkumekanga ndo nde akolɛ l’edja k’ɛnɔnyi 55 la Jɛrusalɛma.+ Nyango lokombo lande Hɛfiziba.

3 Nde akayohika nto ahole wa la diko wakalanya+ Hɛzɛkiya wa she, nde akemɛ dilambwelo dikambo dia Baala ndo akasale kimɛta ka l’osongo,*+ oko wakasale Ahaba nkumekanga k’Isariyɛlɛ.+ Nde akakusamɛ alembe tshɛ wa l’olongo ndo akaakambɛ.+

13 Ndo mvudu ya Jɛrusalɛma la mvudu ya nkumi ya dikanga ya Juda yayonga mindo oko dihole nɛ, mbuta ate oko Tɔfɛta,+ ɛɛ, mvudu tshɛ yele lo nsambe yayɔ mbakawalambolaka alembe tshɛ wa l’olongo+ elambo ndo lɛnɛ akawalambolaka elambo wa lotɛ dikambo dia tozambizambi tokina.’”+

16 Ko nde akantɔlɛ lo sɛkɛ dia l’etei dia luudu la Jehowa.+ Lɛkɔ la soko dia tɛmpɛlɔ ka Jehowa, lam’asa tshoto y’otale la elambwelo, apami oko 25 waki laawɔ wosha ɛkɔngɔ awɔ otsha lo tɛmpɛlɔ ka Jehowa ndo wɛdiyisha dungi diawɔ otsha lo ɛstɛ; vɔ wakakusamɛka wonya lo ɛstɛ.+