15 Ɔnkɔnɛ nde akatshu la Jɛhɔyakina+ lo lɔhɔmbɔ la Babilɔna.+ Nde akatshu ndo la nyango nkumekanga, wadi wa nkumekanga, ɛnɛnɛ ande ndo tosakasaka ta lo wodja; nde akatshu la wɔ oma la Jɛrusalɛma otsha lo lɔhɔmbɔ la Babilɔna. 16 Ndo nto, nkumekanga ka Babilɔna akatshu la andɔshi wa ta tshɛ otsha lo lɔhɔmbɔ la Babilɔna, anto nunu esambele (7 000) kaamɛ la etshudi ndo etshudi wa yaandjo* kinunu (1 000), vɔ tshɛ waki apami wa wolo ndo weya ta.

29 Ɔnɛ ele ɛtɛkɛta wa lo mukanda wakatome omvutshi Jɛrɛmiya oma la Jɛrusalɛma otsha le atshikadi wa dikumanyi dia l’atei w’anto wakawatɔlɛ mfumbe, ɛlɔmbɛdi, amvutshi ndo anto tshɛ wele Nɛbukadinɛza akaatɔlɛ lo lɔhɔmbɔ oma la Jɛrusalɛma otsha la Babilɔna, 2 l’ɔkɔngɔ wa nkumekanga Jɛkɔniya,+ nyango nkumekanga,*+ ɛnɛnɛ wa laka nkumekanga, ewandji wa la Juda ndo wa la Jɛrusalɛma, etshudi ndo etshudi wa yaandjo* ntomba oma la Jɛrusalɛma.+