22 Lam’akawatetemalaka ndɛ, nde akɔshi mapa, akasale dɔmbɛlɔ ndo akoohembola ko akawasha, ata ate: “Nyowɔshi. Mapa ɔnɛ wekɔ didjidji dia demba+ diami.”

19 Ndo nto, nde akɔshi mapa,+ akasha losaka, akoohembola ko akawasha, ata ate: “Mapa ɔnɛ wekɔ didjidji dia demba diami+ diayanga kimɔma dikambo dianyu.+ Kanyotshake ɔnkɔnɛ dia mbohɔkami.”+

23 Nɛ dia lakalongola oma le Nkumadiɔndjɔ kɛnɛ kakamanyotɛ ndo nyu nte: L’otsho+ wakahombe fungama Nkumadiɔndjɔ Yeso, nde akɔshi mapa, 24 ndo l’ɔkɔngɔ wa nde mboka losaka, nde akoohembola ko akate ate: “Ɔnɛ ekɔ didjidji dia demba diami+ diambokimɔma dikambo dianyu. Kanyotshake ɔnkɔnɛ dia mbohɔkami.”+ 25 Ndo nto, l’ɔkɔngɔ wa vɔ ndɛ mma dia dikɔlɔ, nde akɔshi dikɔhɔ+ dia vinyɔ ko akate ate: “Dikɔhɔ nɛ nembetshiyaka sheke y’oyoyo+ yambodjama l’ekimanyielo ka dikila diami.+ Kanyotshake ɔnkɔnɛ mbala tshɛ kayonyodinɔka dia mbohɔkami.”+ 26 Nɛ dia mbala tshɛ kayonyɔlɛka mapa ɔnɛ ndo kayonyɔnɔka dikɔhɔ nɛ, nyayotetemalaka mbewoya nyɔi ka Nkumadiɔndjɔ polo lam’ayondoya.