Esambo
3 Nyoyafune dikambo dia lokombo lande l’ekila.+
Etema wa wanɛ wayanga Jehowa wangɛnɛngɛnɛ.+
4 Nyoyange Jehowa+ ndo wolo ande.
Nyoyangake elungi* kande tena tshɛ.
5 Nyohɔ akambo wa diambo wakandasale,
Ahindo ande ndo dombwelo diakandate,+
6 Nyu ana* w’Abrahama w’okambi ande,+
Nyu ana wa Jakɔbɔ, ɛsɔnami ande.+
7 Nde kele Jehowa Nzambi kaso.+
Dombwelo diande diekɔ lo nkɛtɛ k’otondo.+
8 Nde mbohɔka sheke yande pondjo pondjo,+
Daka diakandalake,* polo lo nɔnga kinunu (1 000),+
9 Sheke yakandadje la Abrahama,+
Ndo etshibelo kakandatshibɛ Isaka,+
10 Kakandashikikɛ oko didjango le Jakɔbɔ,
Ndo oko sheke ya pondjo le Isariyɛlɛ,
11 Ate: “Dimi layokosha wodja wa Kanana,+
Oko etenyi kanyu k’okitɔ.”+
12 Dui sɔ diakasalema etena kakiwɔ yema tshitshɛ,+
Ɛɛ, tshitshɛ efula, ndo etena kakiwɔ angɛndangɛnda lo wodja.+
13 Vɔ wakatekekɔka lo wodja la wodja,
Oma lo diolelo dimɔtshi otsha le anto akina.+
14 Nde kombetawɔ dia kaanga onto 1 mbahɛnyahɛnya,+
Koko nde akahangwɛ nkumi ya dikanga l’ɔtɛ awɔ,+
15 Ate: “Tanyonandake akitami ami w’esɔ,
Ndo tanyosalɛke amvutshi ami dui dia kɔlɔ.”+
17 Nde akatome pami kɛmɔtshi la ntondo kawɔ
Yɔsɛfu, ɔnɛ lakasondjama dia monga mfumbe.+
18 Vɔ wakadje* ekolo ande lo lowete,+
Wakakeleka mɔlɔla lo nkingo kande;*
19 Polo lam’akɛnama dia ɔtɛkɛta ande wekɔ mɛtɛ,+
Kɛnɛ kata Jehowa kawɛdia.
20 Nkumekanga akate dia mbotshungola,+
Omboledi w’anto akootshungola.
21 Nde akawetɛ ɔnɔmbɔdi w’ase luudu lande,
Omendji wa diangɔ diande tshɛ,+
22 Dia nde monga la lowandji laadiko* di’ɛlɔhɛ ande oko walangande*
Ndo dia mbetsha dikumanyi diande lomba.+
23 Oma laasɔ, Isariyɛlɛ akaye l’Edjibito,+
Ndo Jakɔbɔ akadjasɛ oko ɔngɛndangɛnda lo nkɛtɛ ya Hama.
24 Nzambi akasale dia anto ande mbotanɛ efula;+
Nde akawaetɛ wolo efula ndeka andɔshi awɔ,+
25 Wanɛ wele nde aketawɔ dia etema awɔ nkadimɔ dia mpetsha anto ande,
Dia mbɔtwɛ ekambi ande sheke.+
27 Vɔ wakasale tolembetelo tande l’atei awɔ,
Ahindo ande lo nkɛtɛ ya Hama.+
28 Nde akatome wodjima kowodja wakayala wodjima;+
Vɔ kotona nkitanyiya ɛtɛkɛta ande.
29 Nde akakadimola ashi awɔ dikila
Ndo akadiake nse yawɔ.+
30 Wodja awɔ wakalolanɛ la ɛkɔlɛ,+
Oyadi kaanga lo mvudu ya nkumekanga.
33 Nde akalanya ɛkɔdi awɔ wa vinyɔ ndo esongo awɔ wa fingo
Ndo akanyukola esongo wa lo ɛtshi kawɔ ka nkɛtɛ.
34 Nde akate dia akata w’ɛndjɔ mbɔtɔ,
Tokatakata t’ɛndjɔ taheyama lofulo.+
35 Vɔ wakale tombatomba tshɛ dia lo wodja,
Ndo vɔ wakale diangɔ diatomba oma lo nkɛtɛ.
36 Oma laasɔ, nde akadiake ɔna enondo tshɛ la lo wodja awɔ,+
Etatelo ka wolo awɔ wa diwutshi.
37 Nde akatondja anto ande kaamɛ la mfɛsa ndo paonyi,+
Ndo ndooko kaanga dioho diande ɔtɔi diakatakana.
39 Nde akasandjola dinge dia mbakombɛ+
Ndo dja dia mbasha osase l’otsho.+
42 Nɛ dia nde akohɔ daka di’ekila diakandalake okambi ande Abrahama.+
43 Ɔnkɔnɛ, nde akatondja anto ande la ɔlɔ w’efula,+
Ɛsɔnami ande la ekoko w’ɔngɛnɔngɛnɔ.
44 Nde akawasha bɛtshi dia nkɛtɛ dia wedja;+
Vɔ wakakite kɛnɛ kakakambe anto akina wolo dia kikondja,+
45 Dia vɔ nama wadjango ande+
Ndo nkitanyiya ɛlɛmbɛ ande.
Nyotombole Jah!*