Esambo

Nyembee Jehowa osambo w’oyoyo;+

Nyootombole lo etshumanelo ka akanga wa kɔlamelo.+

 2 Isariyɛlɛ angɛnɛngɛnɛ le Osadi awɔ wa Woke;+

Ana w’apami wa Siɔna wonge l’ɔlɔ le Nkumekanga kawɔ.

 3 Vɔ watombole lokombo lande la nɔshi dia lokombe+

Ndo wawembee esambo wa lotombo* kaamɛ la ngɔmɔ ndo lɔsɛsɛ.+

 5 Akanga wa kɔlamelo wangɛnɛngɛnɛ lo lotombo lande;

Vɔ wade ekoko w’ɔngɛnɔngɛnɔ lo mbeto yawɔ.+

 6 Esambo watombola Nzambi wonge lo enyɔ awɔ,

Ndo lokuwa la mpɛmɔ wedi 2 longe lo anya awɔ,

 7 Dia nsɔmbɔya wedja

Ndo mbisha anto dilanya,

 8 Dia keleka nkumi ya dikanga yawɔ la mɔlɔla

Ndo mbidja ɛlɔhɛ awɔ lo lowete la mbolo,

 9 Dia mbela elombwelo kakafundama lo dikambo diawɔ.+