Esambo
Le ɔnɔmbɔdi. Ngɛngu ka Davidɛ, etena kakaye omvutshi Natanale nde l’ɔkɔngɔ wa Davidɛ mbeyana la Batɛ-Shɛba.+
51 Nzambi le, omboke kɛtshi lo ndjela ngandji kayɛ ka kɔlamelo.+
Odimole kɔlɔ yami lo ndjela kɛtshi kayɛ k’efula.+
Ɔnkɔnɛ, wɛ ekɔ la losembwe etena katɛkɛtayɛ
Ndo wɛ ekɔ la losembwe lo kilombo+ kayɛ.
6 Eenda, wɛ ngɛnangɛnaka mɛtɛ kele l’etei k’otema w’onto;+
Etsha lonto lami la l’etei* lomba la mɛtɛ.
7 Ɔmbɛdia la diyo dia izɔpɛ oma lo pɛkato kami, dia dimi monga pudipudi;+
Ɔmbɔtsha dia dimi monga wɛma fifɔ ndeka loonge l’ekama.+
8 Etawɔ dia dimi mboka londjo l’ɔlɔ ndo l’ɔngɛnɔngɛnɔ,
Kele weka wakayatɛtshatɛtsha kawɔngɛnɛngɛnɛ.+
10 Nzambi le, otonge otema wa pudipudi l’etei kami,+
Ndo odje l’etei kami yimba y’oyoyo+ ndo yamboshikimala.
11 Tombikashake oma laleyɛ;
Ndo tonyake nyuma kayɛ k’ekila oma le mi.
13 Dimi layetsha atshi wa kɔlɔ mboka yayɛ,+
Kele atshi wa pɛkato kawokalole le yɛ.
14 Nzambi le, onshimbee oma lo onongo wa dikila,+ wɛ Nzambi ka panda kami,+
Kele lolemi lami kewoyake losembwe layɛ+ la ɔngɛnɔngɛnɔ tshɛ.
15 Jehowa le, odihole ɛlɔmɔ ami,
Kele onyɔ ami wewoya lotombo layɛ.+
16 Nɛ dia wɛ halange olambo; otoyolangaka, tshike lotokoshawɔ;+
Wɛ hangɛnangɛna olambo wa lotshumba+ w’otondo.
17 Elambo wangɛnyangɛnya Nzambi ele yimba yambohandjɔ;
Otema wambatɛ ndo wambatshatshema, Nzambi le, wɛ hatotona.*+
18 Lo ɔlɔlɔ ayɛ, salɛ Siɔna kɛnɛ kele ɔlɔlɔ;
Ohike mpele dia Jɛrusalɛma.
19 Ko wɛ ayɔngɛnangɛna elambo wa losembwe,
Elambo wa lotshumba ndo elambo w’etondo;
Ko ngɔmbɛ ya waomi yayolambɔma lo elambwelo kayɛ.+