Esambo

145 Dimi layokodiya, wɛ Nzambi kami Nkumekanga,+

Dimi layotombolaka lokombo layɛ pondjo pondjo.+

 2 Dimi layokotombolaka lushi l’otondo;+

Dimi layotombolaka lokombo layɛ pondjo pondjo.+

 3 Jehowa ekɔ woke ndo nde mbaleka nsungana tombɔma;+

Woke woke ande hawomanema mfundo.*+

 4 Lɔlɔnga la lɔlɔnga wayotombolaka elimu ayɛ;

Vɔ wayosanyaka dikambo dia etsha ayɛ wa wolo.+

 5 Vɔ wayɔtɛkɛtaka dikambo dia woke woke wa lotombo la lɔnɛnɛ layɛ+

Ndo dimi layokanaka yimba lo akambo ayɛ wa diambo.

 6 Vɔ wayosanyaka dikambo dia etsha* ayɛ wa diambo efula,

Ndo dimi layewoya woke woke ayɛ.

 7 Vɔ wayɔngɛnangɛna lam’ayowohɔ ɔlɔlɔ ayɛ w’efula,+

Ndo vɔ wayoda ekoko w’ɔngɛnɔngɛnɔ l’ɔtɛ wa losembwe layɛ.+

 8 Jehowa mbokanaka kandji* ndo kɛtshi,+

Nde hoke nkɛlɛ esadi ndo ndola tɔɔ la ngandji ka kɔlamelo.+

 9 Jehowa ekɔ ɔlɔlɔ le anto tshɛ,+

Ndo kɛtshi kande mɛnamaka lo elimu ande tshɛ.

10 Jehowa le,+ elimu ayɛ tshɛ wayokotombola,

Ndo ekambi ayɛ wa kɔlamelo wayokotombola.+

11 Vɔ wayewoyaka lotombo la lowandji layɛ+

Ndo wayɔtɛkɛtaka akambo wendana la wolo ayɛ,+

12 Dia mbewoya anto etsha ayɛ wa wolo+

Ndo lotombo la lɔnɛnɛ la lowandji layɛ.+

13 Lowandji layɛ lekɔ lowandji la pondjo,

Ndo ɛlɔmbwɛlɔ kayɛ tshikalaka lo nɔnga tshɛ.+

14 Jehowa sukɛka wanɛ tshɛ wakɔ+

Ndo nde sembolaka wanɛ tshɛ wokotami.+

15 Washo tshɛ wekɔ lo mendɛ la elongamelo tshɛ le yɛ;

Wɛ mbashaka mbo ya ndɛ lo etena kahombama.+

16 Wɛ kukolaka lonya layɛ

Ndo kotshaka nsaki ka ɛngɔ tshɛ kasɛna.+

17 Jehowa ekɔ la losembwe lo mboka yande tshɛ+

Ndo ekɔ la kɔlamelo lo kɛnɛ tshɛ kasalande.+

18 Jehowa ekɔ suke la wanɛ tshɛ wawelɛ,+

Wanɛ tshɛ wawelɛ lo mɛtɛ.*+

19 Nde kotshaka nsaki ka wanɛ wawoka wɔma;+

Nde mbokaka delo diawɔ dialɔmbawɔ ekimanyielo ndo nde mbatshaka.+

20 Jehowa namaka wanɛ tshɛ woolanga,+

Koko akanga wa kɔlɔ tshɛ nde ayowashila oshiki.+

21 Onyɔ ami wayewoya lotombo la Jehowa;+

Ɛngɔ tshɛ kasɛna* katombolake lokombo lande l’ekila pondjo pondjo.+