Esambo
Le ɔnɔmbɔdi; wa Jedutuna.* Ngɛngu ka Davidɛ.
62 Lo mɛtɛ, dimi* mbɔlamaka ki etena kakongami Nzambi.
Oma le nde kaya panda kami.+
2 Lo mɛtɛ, nde kele dive diami, panda kami ndo eshamelo kami k’oshika;+
Dimi hansutshasutshamaki wolo pondjo.+
3 Polo l’etena kakɔna kayonyɔtwɛka onto la ta dia mbodiaka?+
Nyu tshɛ nyekɔ waale oko ehele kambɛngama, ehele k’ave kele suke la nyukɔ.*
4 Nɛ dia vɔ wambɔtɔ sheke dia mbɔkɔsha oma lo dihole diande dia laadiko;*
Vɔ ngɛnangɛnaka mbuta kashi.
Vɔ tshɔkɔlaka la enyɔ awɔ, etena kele l’etei kawɔ, vɔ wekɔ lo mbidja mananu.+ (Sela)
6 Lo mɛtɛ, nde kele dive diami, panda kami ndo eshamelo kami k’oshika;
Dimi hansutshasutshamaki pondjo.+
7 Le Nzambi kele panda kami ndo lotombo lami.
Nzambi kele dive diami dia wolo, eshamelo kami.+
8 Nyu anto le, nyoyaɛkɛke le nde tena tshɛ.
Nyodihole etema anyu la ntondo kande.+
Nzambi kele eshamelo kaso.+ (Sela)
9 Ana w’anto wekɔ loowe l’anyanya,
Ana w’anto wekɔ lokeso.+
Naka vɔ tshɛ mbahema lo kilɔ, vɔ wekɔ esadi saa ndeka loowe l’anyanya.+
10 Tanyoyaɛkɛke lo ɔhɔtwanelo
Kana mbidja elongamelo ka kashi lo wovelo.
Naka ɛngɔnyi anyu wambofula, tanyɛkɛke etema anyu lɔkɔ.+
11 Nzambi akatɛkɛta mbala 1, ɛɛ, dimi lakoke dui nɛ mbala 2:
Dia wolo wekɔ waki Nzambi.+