Ɛnyɛlɔ
5 Dimi lakɛnyi lo lonya l’omi la Ɔnɛ lakadjasɛ lo kiti ka lowandji+ wɔɔmbɔ wakafundama wedi akɔ 2* ndo wakadihama tshɛ lo tshɛ la edihɔ 7. 2 Ko dimi lakɛnyi ondjelo ɔmɔtshi wa wolo ata la dui dia wolo ate: “Akɔna asungana ndjihola wɔɔmbɔ ndo ndjihola edihɔ wele lɔkɔ?” 3 Koko, ndooko onto oyadi l’olongo kana la nkɛtɛ kana l’ɛse ka nkɛtɛ laki l’akoka wa ndjihola wɔɔmbɔ akɔ kana menda kɛnɛ kele lɔkɔ. 4 Dimi lakalele efula dikambo ndooko onto lakasungana ndjihola wɔɔmbɔ akɔ kana menda kɛnɛ kele lɔkɔ. 5 Koko ekumanyi kɛmɔtshi akambutɛ ate: “Takolela. Eenda! Ntambwɛ ka lo dioho dia Juda,+ odio+ wa Davidɛ+ ambodja otshumba+ dia ndjihola wɔɔmbɔ akɔ ndo edihɔ awɔ 7.”
6 Ko lakɛnyi ɔna ɔkɔkɔ+ wakɛnamaka oko wambodiakema+ waki la nseke 7 la washo 7 wemadi suke la kiti ka lowandji ndo l’atei* wa ditongami 4 diasɛna ndo l’atei wa dikumanyi.+ Washo awɔ 7 nembetshiyaka nyuma 7 yaki Nzambi+ yakatomama lo nkɛtɛ k’otondo. 7 Mbala kakɔ ɔtɔi nde akatshu, akɔshi wɔɔmbɔ akɔ oma lo lonya l’omi la Ɔnɛ lakadjasɛ lo kiti ka lowandji.+ 8 Lam’akandɔshi wɔɔmbɔ akɔ, ditongami 4 diasɛna ndo dikumanyi+ 24 wakakusama la ntondo ka Ɔna Ɔkɔkɔ ndo onto l’onto aki la lɔsɛsɛ ndo la alɔnga wa paonyi wakalole tɔɔ la tshɔ. (Tshɔ shɔ nembetshiyaka alɔmbɛlɔ w’ekilami.)+ 9 Ko vɔ wakembe osambo w’oyoyo,+ wata vate: “Wɛ kasungana mbɔsa wɔɔmbɔ ɔnɛ w’efundelo ndo ndjihola edihɔ awɔ, nɛ dia wɛ akadiakema ndo la dikila diayɛ, wɛ akasombɛ Nzambi+ anto w’oma lo waoho tshɛ, ɛtɛkɛta tshɛ, weho w’anto tshɛ ndo wedja tshɛ,+ 10 ndo wɛ akawaetɛ diolelo+ ndo ɛlɔmbɛdi wa Nzambi+ kaso ndo vɔ wayolɛ nkɛtɛ oko nkumi ya dikanga.”+
11 Ko dimi lakɛnyi ndo lakoke londjo la andjelo efula wakadinge kiti ka lowandji la ditongami diasɛna, la dikumanyi, ndo lofulo lawɔ laki nunu akumi mbala nunu akumi ndo nunu dia nunu.+ 12 Vɔ wakataka la dui dia wolo vate: “Ɔna Ɔkɔkɔ wakadiakema+ sunganaka nongola wolo ndo ɔngɔnyi ndo lomba ndo nkudu ndo kɛnɛmɔ ndo lotombo ndo ɔtshɔkɔ.”+
13 Ko dimi lakoke etongami tshɛ kele l’olongo ndo kele la nkɛtɛ+ ndo kele l’ɛse ka nkɛtɛ ndo kele lo ndjale ndo diangɔ tshɛ diele lɔkɔ diata ɔnɛ: “Ɔnɛ lodjashi lo kiti ka lowandji+ ndo Ɔna Ɔkɔkɔ+ watshɔkwame ndo kɛnɛmɔ+ la lotombo la wolo wayalake le wɔ pondjo pondjo!”+ 14 Ditongami 4 diasɛna diakataka ɔnɛ: “Aamɛɛ!” Ndo dikumanyi wakakusama ndo wakatɛmɔla.