Zɛfaniya
3 Mananu le osomba+ wambɔtɔmbɔkɔ, wambɔtɔ mindo, wasoyana!
2 Vɔ kokitanyiya ndooko dui;+ vɔ kombetawɔ ndooko ohokwelo.+
Vɔ kondjaɛkɛ+ le Jehowa; vɔ kondjasukanya la Nzambi+ kawɔ.
3 Ewandji wa lɔkɔ wekɔ ntambwɛ+ yadikita.
Toshushi tawɔ tekɔ ndjaondo l’otsho;
Vɔ hawotshikaka kaanga weka wakokotawɔ polo la pindju.
4 Amvutshi awɔ wekɔ asɛndji, akanga w’ekadi.+
5 Jehowa ekɔ ɔlɔlɔ l’etei+ kawɔ; nde hasale kɔlɔ.
Pindju tshɛ nde mbeyanyaka dombwelo+ diande,
Diahete paa oko ehotwelo ka wonya.
Koko onto a kɔlɔ heye elɛwɔ nsɔnyi.+
6 “Dimi lakalanya wedja; totshoto tawɔ ta l’atshuku takatshikala tɔngɔ to.
Dimi lakalanya toshinga tawɔ woho wele ndooko onto laketaka lɔkɔ.
Esomba awɔ wakatshikala tɔngɔ to, aha l’onto, aha l’onto ladjasɛ lɔkɔ.+
7 Dimi lakate nte: ‘Lo mɛtɛ, wɛ ayomboka wɔma ndo ayetawɔ ohokwelo,’*+
Koko vɔ tshɛ wakaleke nomɔlomɔ dia nsala kɔlɔ.+
8 Jehowa kata ate: ‘Ɔnkɔnɛ, nyotetemale kongɛɛmi,*+
Polo lushi layomemala dia mbɔsa diangɔ dia dimbo,*
Nɛ dia yɛdikɔ yami ele ya nsanganya wedja, nsanganya waolelo,
Ndo mbahongolɛ yɛnyi yami, nkɛlɛ+ kami tshɛ kalombalomba;
Nɛ dia nkɛtɛ k’otondo kayolongola+ la dja y’ohetoheto ami.
9 Dikambo l’etena kɛsɔ, dimi layotshikitanya ɔtɛkɛta w’anto dia vɔ monga ɔtɛkɛta wa pudipudi,
Dia vɔ tshɛ mbelɛ* lokombo la Jehowa,
10 Oma l’ɛtshi ka nkɛtɛ k’ɛkɛdi w’Etiyɔpiya,
Wanɛ wansɛngasɛnga, ɔna womoto laki anto ami wakahandjɔma ayombela+ woshasha.
11 Lushi lɔsɔ, wɛ hatoshama nsɔnyi
L’ɔtɛ w’etsha ayɛ tshɛ wakayantɔmbɔkwɛ,+
Nɛ dia l’etena kɛsɔ dimi layonya oma le yɛ akanga w’otako wayafuna;
Ndo wɛ hatonga nto pondjo la otako lo dikona+ diami di’ekila.
12 Dimi layetawɔ dia akanga w’okitshakitsha ndo tombolambola ntshikala l’atei+ ayɛ,
Ndo vɔ wayokondja eshamelo lo lokombo la Jehowa.
13 Atshikadi w’Isariyɛlɛ+ asɔ hawotosala kɔlɔ;+
Vɔ hawotota kashi ndo lolemi la lokeso halototanema lo enyɔ awɔ;
14 Ɔna womoto la Siɔna le, da ekoko w’ɔngɛnɔngɛnɔ!
Isariyɛlɛ+ le, da ekoko wa edjelo k’otshumba!
Ɔna womoto la Jɛrusalɛma+ le, oka ɔlɔ ndo ngɛnangɛna la otema ayɛ tshɛ!
15 Jehowa ambonya dombwelo diendana la yɛ.+
Nde ambonya otunyi+ ayɛ.
Nkumekanga k’Isariyɛlɛ, Jehowa, ekɔ l’atei+ ayɛ.
Wɛ hatoka mpokoso wɔma nto.+
16 Wayotɛ Jɛrusalɛma lushi lɔsɔ ɔnɛ:
“Siɔna+ le, tokake wɔma.
Tetawɔke dia anya ayɛ nɛmba.
17 Jehowa Nzambi kayɛ ekɔ l’atei+ ayɛ.
Oko wende Kanga wolo, nde ayoshimbɛ.
Nde ayɔngɛnangɛna lo dikambo diayɛ la ɔlɔ+ w’efula.
Nde ayotshikala ki* lo ngandji kande.
Nde ayɔngɛnangɛna lo dikambo diayɛ la ekoko w’ɔngɛnɔngɛnɔ.
18 Dimi layotshumanya wanɛ wele la lonyangu l’ɔtɛ wewɔ bu lo fɛtɛ+ yayɛ;
Vɔ komonga laleyɛ, nɛ dia wakaahangwɛ l’ɔtɛ ande.+
19 Eenda, l’etena kɛsɔ, dimi layɔlɔsha wanɛ tshɛ wakɔhɛnyahɛnya;+
Dimi layoshimbɛ ɔnɛ latɛnguna,+
Ndo dimi layotshumanya kaamɛ wanɛ wakadiangana.+
Dimi layowaetɛ ɛngɔ ka lotombo ndo lokumu*
Lo wodja w’otondo wakawashama nsɔnyi.
20 L’etena kɛsɔ, dimi layonyɔtshiya,
L’etena kayomonyotshumanya kaamɛ.