Ɛnyɛlɔ
20 Ko dimi lakɛnyi ondjelo ɔmɔtshi ayaholɔ oma l’olongo okime nsapi ka difuku diaha l’ekomelo+ la mɔlɔla wa woke lo lonya lande. 2 Nde akande dragɔ,+ oloyi w’edjedja+ akɔ wele Diabolo+ ndo Satana,+ ko akookeleka l’edja k’ɛnɔnyi kinunu (1 000). 3 Nde akawokasha lo difuku diaha l’ekomelo+ ndo akoodihe lo difuku diakɔ la nsapi diaha nde minganyiya wedja nto polo l’ekomelo k’ɛnɔnyi kinunu (1 000). L’ɔkɔngɔ wa laasɔ, nde ayoyotshungɔma yema lo tshanda mɔtshi ya tshitshɛ.+
4 Dimi lakɛnyi kiti ya lowandji, ndo wanɛ wakadjasɛ lɔkɔ wakalongola lotshungɔ la nombosha. Eelo, dimi lakɛnyi anima* wa wanɛ wakadiakema* l’ɔtɛ wakawasambishaka akambo wendana la Yeso ndo l’ɔtɛ wakawatɛkɛtaka akambo wendana la Nzambi. Ndo wanɛ waki kɔtɛmɔla nyama ka ngala kana efanelo katɔ ndo vɔ kombidjama djembetelo lo mfumu ndo lo lonya lawɔ.+ Ko vɔ wakayala la lɔsɛnɔ ndo wakolɛ oko nkumi ya dikanga kaamɛ la Kristo+ l’edja k’ɛnɔnyi kinunu (1 000). 5 (Edo+ ekina kombolɔ polo lam’akashile ɛnɔnyi kinunu (1 000).) Ɔsɔ kele eolwelo ka ntondo.+ 6 Wanɛ wolɔ lo eolwelo+ ka ntondo wekɔ ekila ndo wekɔ la diɛsɛ, nɛ dia nyɔi+ ka 2 bu la wolo+ le wɔ. Vɔ wayoyala ɛlɔmbɛdi+ waki Nzambi ndo waki Kristo, ndo vɔ wayolɛ kaamɛ la nde oko nkumi ya dikanga l’edja k’ɛnɔnyi kinunu (1 000).+
7 Kam’ayoshila ɛnɔnyi kinunu (1 000), Satana ayotshungɔma oma lo lokanu, 8 ko nde ayotomba dia ndjonganyiya wedja lo atshuku akɔ 4 wa nkɛtɛ, Ngɔngɔ la Mangɔngɔ, dia mbatshumanya dikambo dia ta. Lofulo lawɔ layoyala oko lɔkɔngɔ la lo ndjale. 9 Ko vɔ wakatshu lo nkɛtɛ k’otondo ndo wakadinge mpango k’ekilami ndo osomba walangema. Koko, dja yakaholɔ oma l’olongo ndo yakaatshumbe.+ 10 Ko Diabolo ɔnɛ lakawanganyiyaka akakashema lo oduwa wa dja la mbɔkɔ ya dja, lɛnɛ akashile mbidjama+ nyama ka ngala+ la omvutshi wa kashi. Vɔ wayosoyamaka* otsho la yanyi pondjo pondjo.
11 Oma laasɔ, dimi lakɛnyi kiti ka lowandji ka woke ka wɛma ndo Ɔnɛ lakadjasɛ lɔkɔ.+ Olongo la nkɛtɛ wakalawɔ+ oma la ntondo kande, ndo dihole kotanema nto dikambo diawɔ. 12 Ko lakɛnyi anto wakavu, anto w’anyanya ndo wa lokumu wemadi la ntondo ka kiti ka lowandji, ko wɛɔmbɔ wakafɔma. Koko wakafola wɔɔmbɔ okina, ɔsɔ ekɔ dibuku dia lɔsɛnɔ.+ Anto wakavu wakalomboshama lo ndjela akambo wakafundama lo wɛɔmbɔ akɔ lo ndjela etsha awɔ.+ 13 Ko ndjale kakatondja edo waki lɔkɔ, ndo nyɔi la Diombo* wakatondja edo waki lɔkɔ, ko vɔ wakalomboshama onto l’onto lo ndjela etsha ande.+ 14 Ko nyɔi la Diombo* wakakashema lo oduwa wa dja.+ Oduwa wa dja+ ɔsɔ ekɔ didjidji dia nyɔi+ ka 2. 15 Ndo nto, onto tshɛ lele lokombo lande kotanema lo dibuku dia lɔsɛnɔ+ akakashema lo oduwa wa dja.+