Zɛfaniya
1 Ɔnɛ ele ɔtɛkɛta wa Jehowa wakaye le Zɛfaniya* ɔna Kushi ɔna Ngedaliya ɔna Amariya ɔna Hɛzɛkiya lo nshi ya Jɔsiya+ ɔna Amɔna+ nkumekanga ka Juda:
2 Jehowa+ kata ate: “Dimi layɔmba oseka ɛngɔ tshɛ kele laadiko dia nkɛtɛ.”
3 “Dimi layɔmba onto ndo nyama.
Dimi layɔmba tofudu ta l’olongo ndo nse ya lo ndjale,+
Etamba wa ntakanya*+ kaamɛ l’akanga wa kɔlɔ;
Ndo dimi layonya anto oma laadiko dia nkɛtɛ,” mbata Jehowa.
4 “Dimi layosembola lonya lami dia ndɔsha Juda
La dia ndɔsha wanɛ tshɛ wadjasɛ la Jɛrusalɛma,
Ndo dimi layonya kɛnɛ tshɛ kendana la Baala+ oma lo dihole nɛ,
Lokombo la ɛlɔmbɛdi wa tozambizambi t’angɛndangɛnda kaamɛ la ɛlɔmbɛdi+ ekina,
5 Ndo wanɛ wakusamɛ alembe wa l’olongo+ lo tɔsɔdi ta nsambe,
La wanɛ wakusama ndo watshiba dia ntshikala la kɔlamelo le Jehowa+
Etena kele wekɔ lo ntshiba dia ntshikala la kɔlamelo le Malakama;+
6 Ndo wanɛ watshika ndjela Jehowa+
La wahayange Jehowa kana wahayange kanyi le nde.”+
7 Nyotshikale ki la ntondo ka Nkum’Olongo Nkumadiɔndjɔ Jehowa, nɛ dia lushi la Jehowa laya suke.+
Jehowa ambɔlɔngɔsɔla olambo; nde ambokidia wanɛ wakandelɛ.
8 “Lushi l’olambo wa Jehowa, dimi layokoya la ewandji,
Ana wa nkumekanga+ ndo wanɛ tshɛ walɔta ɛlɔtɔ w’ase wedja.
9 Lushi lɔsɔ, dimi layokoya l’onto tshɛ ladɛ lo lɔyɛnga,*
Wanɛ walodia luudu la nkumɛwɔ l’awui wa ngala ndo la lokeso.
10 Lushi lɔsɔ,” mbata Jehowa,
“Wendjo ndo ekoko wayotomba oma lo Soko dia Nse,+
Delo oma l’ɛtshi ka 2 k’osomba,+
Ndo londjo la wolo oma lo tokonakona.
11 Nyu wanɛ wadjasɛ la Makatɛshɛ,* nyolele,
Nɛ dia ase okanda* wakanyɛma;*
Wanɛ tshɛ wɛdika mfɛsa wakalanyema.
12 L’etena kɛsɔ, la yambalo tshɛ, dimi layoyanga Jɛrusalɛma la atala,
Ndo dimi layokoya la wanɛ woyakoki,* wata l’etema awɔ ɔnɛ:
‘Jehowa hatosala ɔlɔlɔ ndo nde hatosala kɔlɔ.’+
13 Ɔngɔnyi awɔ wayombama ndo mvudu yawɔ yayolanyema.+
Vɔ wayoka mvudu, koko hawotodjasɛ lɔkɔ;
Ndo vɔ wayokamba dikambɔ dia vinyɔ, koko hawotɔnɔ wanu w’oma lɔkɔ.+
14 Lushi la woke la Jehowa laya suke!+
Lɔ laya suke ndo lekɔ lo ndjasukana* esadi esadi!+
Wondjo wa lushi la Jehowa wekɔ ololo.+
Ɔndɔshi wa ta amboda ekoko+ lɛkɔ.
15 Lushi lɔsɔ lekɔ lushi la odudu,+
Lushi la sui ndo la lɔkɔnyɔ,+
Lushi la lɔpɛpɛ la wolo ndo l’elanyelo,
Lushi la wodjima ndo la tshududu,+
Lushi la wange ndo la wodjima wa tshududu,+
16 Lushi la wɔɔndjɔ ndo la kioko+ ya ta,
Dia ndɔsha esomba wodingami la mpele ndo totshoto+ t’etale ta lo atshuku.