Esambo
Lembo l’otanda* la Davidɛ lakandembɛ Jehowa lo dikambo dia ɛtɛkɛta wa Kusha k’oseka Bɛnjamina.
7 Jehowa Nzambi kami le, le yɛ kamomoyashɛ.+
Onshimbee oma le wanɛ tshɛ wampɛnyahɛnya ndo ombitsha.+
2 Naka aha ngasɔ, kete vɔ wayombatshatsha* oko watatshatshaka ntambwɛ,+
Lo minyami aha la onto lambitsha.
3 Jehowa Nzambi kami le, naka dimi kondjisha lo dui sɔ,
Naka lakasale akambo lo yoho ya kɔlɔ,
4 Naka lakasalɛ onto lakansalɛ ɔlɔlɔ kɔlɔ,+
Kana naka lakambe diangɔ di’otunyi ami wombamba,*
5 Kete otunyi ɔmɔtshi ambitshanya ndo aminde;
Nde ahɔtshahɔtsha lɔsɛnɔ lami la nkɛtɛ
Ndo asale dia lotombo lami mbeta lo ditshu. (Sela)
6 Jehowa le, onɛɛ lo nkɛlɛ kayɛ;
Emalɛ odudu w’atunyi+ ami;
Emɔ dikambo diami, ndo lɔmba dia kilombo sambɔma la losembwe.+
7 Wedja wakodinge;
Ko wɛ ayowalɔsha oma la diko.
8 Jehowa ayosambola anto.+
Jehowa le, onombosha lo ndjela losembwe lami
Ndo lo ndjela olowanyi+ ami.
9 Lam’alangayɛ, komiya etsha wa kɔlɔ w’akanga wa kɔlɔ.
Koko shikikɛ onto ɔlɔlɔ,+
Lam’ele wɛ ekɔ Nzambi+ ka losembwe kasɛdingola etema+ ndo nsaki yoleki l’etei.*+
10 Nzambi kele engawo+ kami, Oshimbedi wa wanɛ wele la etema+ wosembwe.
12 Naka ndooko onto layatshumoya,+ Nde kɛtɛmɔlaka lokuwa lande la ta;+
Nde minɛka ota ande ndo mbɔlɔngɔsɔlaka.+
13 Nde nɔngɔsɔlaka dihomɔ diande dia ta diakonya lo nyɔi;
Nde nɔngɔsɔlaka mpito+ yande yalombalomba.
14 Enda onto lele la diemi dia kɛnɛ kele kɔlɔ;
Nde tshɔɔka diemi dia paa ndo mbotaka kashi.+
15 Nde tshimaka difuku ndo dietɛka ɔhɔngɔ,
Koko nde kɔɔka lo difuku diakandatshime.+
16 Paa kelande kayokadimɔ lo ɔtɛ+ ande hita;
Akambo ande wa ngala wayɔkɔ lo lowako la l’ɔtɛ ande.