Esambo
Le ɔnɔmbɔdi dikambo dia Nehilɔta.* Ngɛngu ka Davidɛ.
5 Jehowa+ le, ohokame ɛtɛkɛta ami;
Odje yimba lo osekumelo ami.
2 Odje yimba lo delo diayangami ekimanyielo,
Wɛ Nkumekanga kami ndo Nzambi kami, nɛ dia wɛ kalɔmbami.
3 Jehowa le, wɛ ayoka dui diami la pindju;+
La pindju, dimi layota okiyanu ami le yɛ+ ndo layokonga la elongamelo tshɛ.
4 Nɛ dia wɛ bu Nzambi kangɛnangɛna akambo wa kɔlɔ;+
Ndooko onto a kɔlɔ lakoka ntshikala kaamɛ la yɛ.+
5 Ndooko kanga otako lakoka memala la ntondo kayɛ.
Jehowa petshaka akanga+ wa ngala ndo wa lokeso.*
7 Koko dimi layoya lo luudu+ layɛ l’ɔtɛ wa ngandji kayɛ k’efula ka kɔlamelo;+
Dimi layokusama otsha lo tɛmpɛlɔ kayɛ k’ekila* la wɔma ayɛ wɔsɔhanyemi la dilɛmiɛlɔ.+
8 Jehowa le, ɔnɔmbɔlɛ lo losembwe layɛ l’ɔtɛ w’andɔshi ami;
Ɔmbɛdiɛ+ mboka kayɛ.
9 Nɛ dia ndooko dui diatawɔ diakoka mbɛkɛ otema;
L’etei kawɔ ekɔ paka kɔlɔ keto;
Wodi awɔ wekɔ diombo dia hwe;
10 Koko Nzambi ayota dia vɔ mbele la onongo;
Tokanyi takongɛwɔ vɔamɛ tayowakɔsha.+
Vɔ watshanyeme l’ɔtɛ w’efula ka kɔlɔ yawɔ,
Nɛ dia vɔ wambokɔtɔmbɔkwɛ.
11 Koko wanɛ tshɛ wayanga eshamelo le yɛ wayɔngɛnangɛna;+
Vɔ wayodaka ekoko w’ɔngɛnɔngɛnɔ tena tshɛ.
Wɛ ayodiha mboka k’otsha le wɔ,
Ndo wanɛ walanga lokombo layɛ wayɔngɛnangɛna le yɛ.
12 Nɛ dia Jehowa le, wɛ ayɔtshɔkɔla anto w’ɛlɔlɔ tshɛ;
Woho wawaetawɔyɛ ayonga oko engawo ka woke+ le wɔ.