Esambo
Le ɔnɔmbɔdi; kongɛma lo “Alɛmbɔlɛmbɔ.” Wa Davidɛ.
69 Nzambi le, onshimbee, nɛ dia ashi wambodja lɔsɛnɔ lami lo waale.*+
2 Dimi lakatambɛ lo lɔtɛkɛ l’efula, lɛnɛ ele bu nkɛtɛ y’ofumbo.+
Dimi lakɔtɔ lo ashi wa dingunda,
Ndo ɔkɛdi wa pedu wakankɛdia.+
3 Dimi lambɔlɛmba la mbelɛka;+
Wodi ami wamboma.
Lambelɔ washo etena kendɛmi le Nzambi kami.+
4 Wanɛ wampetsha ohetshahetsha+
Wekɔ efula ndeka divo dia l’ɔtɛ ami.
Wanɛ walanga ndjakami,
Atunyi ami wa kɔlɔ* waya efula.
Dimi lakatshutshuyama la wolo dia nkaloya kɛnɛ kakimi kombiva.
5 Nzambi le, wɛ mbeyaka woho wemi enginya,
Ndo onongo ami hawoshɛma lo washo ayɛ.
6 Wanɛ walongamɛ le yɛ watoshamake nsɔnyi l’ɔtɛ ami,
Wɛ Nkum’Olongo Nkumadiɔndjɔ, Jehowa kanga lolembelembe.
Wanɛ wakoyanga watoshamake nsɔnyi l’ɔtɛ ami,
Wɛ Nzambi k’Isariyɛlɛ.
8 Dimi laya ɔngɛndangɛnda le analengo,
Ose wodja okina le ana wa mama.+
11 Etena kakametɛ dikoto dihɔndɔ diami,
Dimi lakayala ɛngɔ ka lɔsɔkɔ* le wɔ.
12 Dimi laya ɔtɛ wa sawo le wanɛ wadjasɛ la soko di’osomba,
Ndo ambidjɔki wambombetɛ ɔtɛ wa dui w’esambo awɔ.
13 Koko dɔmbɛlɔ diami diakome le yɛ,
Wɛ Jehowa, lo etena ka dimɛna.+
Nzambi le, oma lo efula ka ngandji kayɛ ka kɔlamelo,
Onkadimole la etsha ayɛ wa shikaa wa panda.+
14 Ombitsha oma lo lɔtɛkɛ;
Tetawɔke dia dimi dinda.
Ombitsha oma le wanɛ wampetsha
Ndo oma l’ashi wa dingunda.+
16 Jehowa le, onkadimole, nɛ dia ngandji kayɛ ka kɔlamelo kekɔ ɔlɔlɔ.+
Onkadimole yema esadi, nɛ dia lekɔ lo sui.+
18 Sukana la mi ndo ombitsha;*
Ontshungole l’ɔtɛ w’atunyi ami.
19 Wɛ mbeyaka lɔtɛngɔ lami, nsɔnyi kami ndo woho wakitshakitshamami.+
Wɛ mɛnaka andɔshi ami tshɛ.
20 Lɔtɛngɔ lambohomuya otema ami, ndo mpota kakɔ hakɔnɔki.*
Dimi lakalongamɛka dia mbokama kɛtshi, koko ndooko lakamboke kɛtshi,+
Ndo di’anto sambami, koko dimi kosambema.+
21 Koko lo dihole dia mbo ya ndɛ, vɔ wakambisha lɔlɛngɔ,*+
Ndo lo mposa kami k’ashi, vɔ wakambisha wanu w’okayi dia nnɔ.+
22 Mɛsa awɔ wayale ɔtɛyi le wɔ,
Ndo ɔngɔnyi awɔ, djonga.+
23 Washo awɔ wayale wodjima diaha vɔ mɛna,
Ndo nkende yawɔ yasakake lokomba tena tshɛ.
26 Nɛ dia vɔ wamboyela ɔnɛ lakayakɔmɔla,
Ndo vɔ tetemalaka ntɛkɛta dia paa ka wanɛ wakayahomuya.
27 Ofudia onongo laadiko dia onongo awɔ,
Ndo vɔ watokondjake ndooko ɛngɔ lo losembwe layɛ.
29 Koko dimi lekɔ lo ɔkɛyi ndo lo paa.+
Nzambi le, wolo ayɛ washimbɛ wankokee.
30 Dimi layembɛ lokombo la Nzambi esambo wa lotombo,
Ndo dimi layowotombola la eokelo ka losaka.
31 Dui sɔ diayɔngɛnyangɛnya Jehowa oleki ngɔmbɛ,
Oleki ɔsɔngɔ wa ngɔmbɛ wele la nseke ndo la nsabɔ.+
32 Akanga wa memakana wayɛna dui sɔ, ko wayɔngɛnangɛna.
Nyu wanɛ wayanga Nzambi, etema anyu wanyomɔsɛna.
34 Olongo la nkɛtɛ wootombole,+
Ndjale ndo kɛnɛ tshɛ kakɛndakɛnda lɔkɔ.