Esambo
Le ɔnɔmbɔdi. Wa Davidɛ. Ngɛngu.
139 Jehowa le, wɛ akansɛdingola ndo wɛ mbeyakami.+
2 Wɛ mbeyaka etena kadjasɛmi ndo etena konɛmi.+
Wɛ shihodiaka tokanyi tami oma lo etale.+
4 Ndooko tshɛkɛta yele lo lolemi lami,
Koko Jehowa le, wɛ amboshilaka ndjieya dimɛna.+
5 Wɛ nyingakami la ntondo ndo l’ɔkɔngɔ ami;
Ndo wɛ mbahɛkami lonya layɛ.
6 Ewo ka ngasɔ dimi haakoke nshihodia.*
Tɔ kekɔ tanga efula le mi woho wele dimi haakoke nkoma lɛkɔ.*+
7 Lende akokami mbɔlama nyuma kayɛ,
Ndo lende akokami ndawɔ elungi kayɛ?+
8 Naka dimi mbidɛ l’olongo, wɛ ayonga lɛkɔ,
9 Naka dimi mfumbɔ la ahafu wa yosose
Dia todjasɛ lo ndjale koleki etale,
10 Kaanga lɛkɔ lonya layɛ layɔnɔmbɔla
Ndo lonya layɛ l’omi layonkimɛ.+
11 Naka dimi mbuta nte: “Lo mɛtɛ wodjima wayombishɛ!”
Otsho wonyingi wayoyala osase.
12 Kaanga wodjima hawotonga wodjima efula le yɛ,
Koko otsho wayonga wɛma oko yanyi;+
Wodjima la osase wekɔ woho ɔtɔi le yɛ.+
14 Dimi kotombolaka nɛ dia lakasalema lo yoho yasha wɔma ndo ya diambo efula.+
15 Weka ami kombishɛma la ntondo kayɛ
Etena kakimi lo woshɛshɛ,
Etena kakamasɔngama lo ɛhɔngɔ wa nkɛtɛ.+
16 Washo ayɛ wakamɛnyi kaanga lam’akimi eholoko;
Tenyi diatɔ tshɛ diakafundama lo dibuku diayɛ
Lo dikambo dia nshi yakamakengama,
La ntondo ka etenyi katɔ tshɛ monga.
17 Ande nɛmɔ diele la tokanyi tayɛ le mi lee!+
Nzambi le, ande efula kele lofulo latɔ tshɛ tshɛ lee!+
18 Naka dimi mpemba dia tiadia, tɔ ndeka nsɛkɛ ya lɔkɔngɔ efula.+
Lam’emɔmi, dimi mongaka paka la yɛ.*+
19 Nzambi le, otoyodiaka kanga kɔlɔ lee!+
Tshike anto wa ngala* wotomɔ oma le mi,
20 Wanɛ watɛkɛta lo dikambo diayɛ la eyango wa kɔlɔ;*
Vɔ wekɔ andɔshi ayɛ wɔsa lokombo layɛ lo yoho ya kɔlɔ.+
22 Dimi mɛtɛ mbahetshaka;+
Vɔ waya mɛtɛ atunyi le mi.
23 Nzambi le, onshishime ndo eya otema ami.+