Esambo
Le ɔnɔmbɔdi; kongɛma lo “Alɛmbɔlɛmbɔ.” Wa ana w’apami wa Kɔra.+ Maskilɛ.* Osambo wa ngandji.
45 Otema ami wambonandema la dui dimɔtshi dia dimɛna.
Dimi lambota nte: “Osambo ami wekɔ* dikambo dia nkumekanga.”+
Lolemi lami layale ofundɔ*+ w’osangodi*+ wa manamana.
2 Wɛ koleki olangala l’atei w’ana w’anto.
Ɛtɛkɛta wa mpɛ kɛlaka oma l’ɛlɔmɔ ayɛ.+
Diakɔ diele Nzambi akakɔtshɔkɔla pondjo pondjo.+
4 Ndo lo lɔnɛnɛ layɛ, tshɔka dia todja otshumba;*+
Tshɔka lo mfalasa kayɛ l’ɔtɛ wa mɛtɛ, okitshakitsha ndo losembwe,+
Ko lonya layɛ l’omi layosala* akambo washa wɔma.
5 Mpito yayɛ yekɔ ɛsɔngɔ, yɔ kɔshaka anto la ntondo kayɛ;+
Yɔ tondolaka etema w’atunyi+ wa nkumekanga.
6 Nzambi kele kiti kayɛ ka lowandji pondjo pondjo;+
7 Wɛ akalange losembwe+ ndo wɛ akahetsha kɔlɔ.+
Diakɔ diele Nzambi, ɛɛ, Nzambi kayɛ akakokite esɔ+ k’ɔngɛnɔngɛnɔ+ oleki asekayɛ.
8 Ahɔndɔ ayɛ tshɛ wekɔ la opumu wa mirɛ, w’osongo wa alowe ndo wa kasia;
Oma lo luudu layɛ l’owandji la l’ewanga, dihomahoma di’eshinga kɔngɛnyangɛnyaka.
9 Ana wa wamato wa nkumi ya dikanga wekɔ l’atei wa wamato ayɛ wa kɛnɛmɔ.
Wadi aki nkumekanga ambemala lo dihole diande lo lonya layɛ l’omi, ɔlɛngami la paonyi y’oma la Ɔfira.+
10 Ɔna womoto le, hokamɛ, dja yimba ndo hokɛ lotui;
Ohɛ anto ayɛ ndo luudu la shɔ.
11 Ko nkumekanga ayokombola olangala ayɛ,
Nɛ dia nde kele nkumɛyɛ,
Ɔnkɔnɛ kusamɛnde.
12 Ɔna womoto la Tura ayoya la woshasha;
Anto woleki ɔngɔnyi wayoyanga dia mpomɔ lokolo l’ɔlɔ le yɛ.*
13 L’etei ka luudu l’owandji, ɔna womoto la nkumekanga ambotombɔma efula;
Ahɔndɔ ande nɛngama la* paonyi.
14 Nde ayɔtɔlama le nkumekanga ɔlɔtshi ahɔndɔ wele la nsɔsɔ efula.*
Esekaseka wa dimuma w’asekande watooyele wambɔtɔlama la ntondo kayɛ.
15 Vɔ wayɔtɔlama la ɔngɛnɔngɛnɔ ndo l’ɔlɔ;
Vɔ wayɔtɔ lo luudu la nkumekanga.
16 Anayɛ w’apami wayɔsa dihole dia watshɛyɛ.
Wɛ ayowasɔna oko ewandji lo nkɛtɛ k’otondo.+
17 Dimi layosala dia lokombo layɛ mbeyama lo nɔnga tshɛ yayaye.+
Diakɔ diele anto wayokotombolaka pondjo pondjo.