Jɛrɛmiya
50 Jehowa akate ɔtɛkɛta lo dikambo dia Babilɔna+ ndo lo dikambo dia wodja wa Kaladiya lo tshimbo ya omvutshi Jɛrɛmiya ate:
2 “Tawɔ l’atei wa wedja ndo ewoyawɔ.
Onyiya djembetelo* ndo ewoyayɔ.
Toshɛke ndooko dui!
Ta wate: ‘Babilɔna ambɔsama.+
Bɛlɛ amboshama nsɔnyi.+
Merɔdaka amboka wɔma.
Dikishi diande diamboshama nsɔnyi.
Dikishi diande dia nyɛtɛɛtɛ* diamboka wɔma.’
3 Nɛ dia wodja ɔmɔtshi wamboya oma lo nɔrdɛ+ dia ndjowɔlɔsha.
Vɔ wambetɛ wodja ande ɛngɔ ka wɔma,
Ndooko onto ladjasɛ lɔkɔ.
Anto la nyama wambolawɔ;
Vɔ wambotshɔ.”
4 “Lo nshi shɔ ndo lo etena kɛsɔ,” mbata Jehowa, “ase Isariyɛlɛ ndo ase Juda wayoya kaamɛ.+ Vɔ wayolela etena kayawakɛndakɛnda,+ ndo vɔ wayoyanga Jehowa Nzambi kawɔ kaamɛ.+ 5 Vɔ wayombola mboka k’otsha la Siɔna, dungi diawɔ mbɛlɛ otsha lo lɛkɛ lakɔ+ wata vate: ‘Nyoye, nyɛsɔ todje la Jehowa sheke ya pondjo yahakoke mbohamɛ.’+ 6 Anto ami waya olui w’ɛkɔkɔ wakashishɔ.+ Alami awɔ hita mbakasale dia vɔ minganɛ.+ Vɔ wakaalɔmbɔla otsha l’akona, watekekɔ oma lo dikona otsha lo kionakona. Vɔ wakohɛ dihole diawɔ dia momuya. 7 Wanɛ tshɛ wakawaɛnyi wakawale+ ndo atunyi awɔ wakate ɔnɛ: ‘Sho bu la onongo, nɛ dia vɔ wakasalɛ Jehowa pɛkato, dihole dia mbidjasɛ dia losembwe ndo elongamelo ka watshɛwɔ, Jehowa.’”
8 “Nyolawɔ oma l’atei wa Babilɔna,
Nyotombe oma lo wodja w’ase Kaladiya,+
Ndo nyonge oko nyama yeta la ntondo dia nɔmbɔla dongalonga.
9 Nɛ dia dimi layanga tondjiyɛ ndo mbela Babilɔna
Olui wa wedja wa weke oma lo wodja wa lo nɔrdɛ.+
Vɔ wayoya wɔlɔngami dia mbɔlɔsha;
Oma lɛkɔ mbayondo- ndama.
10 Kaladiya ayonga ɛngɔ ka dimbo.+
Wanɛ tshɛ wawomba wayolota efula,”+ mbata Jehowa.
Nɛ dia nyu nyakafumbɔfumbɔka oko ɔsɔngɔ wa ngɔmbɛ lo adiyo,
Ndo nyu nyakaawanaka oko mfalasa.
12 Nyangɛnyu amboshama nsɔnyi.+
Ɔnɛ lakanyote ambɛmba ɛkɔndjɔ.
Nyende, nde koleki anyanya l’atei wa wedja,
Oswe wele bu la ashi ndo wa shɛnga.+
Onto tshɛ layetaka suke la Babilɔna ayondama la wɔma
Ndo ayoda kioko l’ɔtɛ w’asui atɔ tshɛ.+
14 Nyɔlɔngame lo bɛkɛ tshɛ dia ndɔsha Babilɔna,
Nyu wanɛ tshɛ wanɛ* ota.
15 Nyode ombeka wa ta dikambo diawɔ lo ndjɛkɛ tshɛ.
Vɔ wamboyakimɔ.*
Nyɔɔsɔmbɔya.
Nyoosalee paka oko wakandasale.+
16 Nyonya omboki a woho oma lo Babilɔna
Ndo onto lakamba la lokuwa lo nshi ya dinela.+
L’ɔtɛ wa lokuwa la ta la ngala, onto l’onto ayokalola le anto ande hita,
Onto l’onto ayolawɔ otsha lo wodja ande hita.+
17 “Ase Isariyɛlɛ wekɔ ɛkɔkɔ wakahandjɔma.+ Ntambwɛ yakaahandjola.+ Ntondo, nkumekanga ka Asuriya akaadiake;+ ko Nɛbukadinɛza* nkumekanga ka Babilɔna akawɛdiawɛdia weka awɔ.+ 18 Ɔnkɔnɛ, Jehowa kanga lolembelembe, Nzambi k’Isariyɛlɛ kata ate: ‘Dimi layosalɛ nkumekanga ka Babilɔna la wodja ande akambo oko wakamasalɛ nkumekanga ka Asuriya.+ 19 Ndo dimi layokaloya Isariyɛlɛ lo dihole diande dia ndeshaka dongalonga,+ ko nde ayɔlɛ adiyo la Karamɛlɛ ndo la Bashana,+ nde ayolota* lo akona wa Efrayimɛ+ ndo wa Ngiliyadɛ.’”+
20 “Lo nshi shɔ ndo lo etena kɛsɔ,” mbata Jehowa,
“Wayoyanga onongo w’Isariyɛlɛ,
Koko hawotowotana,
Ndo pɛkato ya Juda hayototanema,
Nɛ dia dimi layodimanyiya wanɛ wakametawɔ dia vɔ ntshikala.”+
21 “Tshɔka tɔlɔsha wodja wa Meratayima ndo wanɛ wadjasɛ la Pekodɛ.+
Vɔ washilame oshiki ndo walanyeme tshɛ lo tshɛ,”* mbata Jehowa.
“Sala kɛnɛ tshɛ kakamakodjangɛ.
22 Londjo la ta lekɔ lo mbokɛma lo wodja,
Mpokoso ka woke.
23 Ande woho wambolana ndo wambohembɔ maditɔ wa yaandjo ya nkɛtɛ k’otondo!+
Ande woho wamboyala Babilɔna ɛngɔ ka wɔma l’atei wa wedja!+
24 Wɛ Babilɔna, dimi lakakaambe djonga ko wɛ akandama,
Koko wɛ kombeya.
Wɛ akatanema ndo akandama,+
Nɛ dia Jehowa kakayalɔsha.
25 Jehowa ambodihola luudu lande la eombelo,
Ndo nde ambotondja dihomɔ dia nkɛlɛ kande.+
Nɛ dia Nkum’Olongo Nkumadiɔndjɔ, Jehowa kanga lolembelembe ekɔ la olimu
Lo wodja w’ase Kaladiya.
26 Nyoye oma lo ahole w’etale dia ndjɔɔlɔsha.+
Nyodihole apɛngɛ ande.+
Nyootshumanya oko tota dia ntɔngɔ.
Aha nde ntshikala kaanga l’onto ɔtɔi.
27 Nyodiake ɛsɔngɔ ande wa ngɔmbɛ tshɛ;+
Yɔ yaholɔ dia ndjakema.
Mananu le yɔ, nɛ dia lushi layɔ lambokoka,
Etena ka mbikoya la yɔ!
28 Londjo la wanɛ watalawɔ lekɔ lo mbokɛma,
Wanɛ watalawɔ oma lo wodja wa Babilɔna,
Dia mbewoya lo Siɔna nsɔmbɔya ka Jehowa Nzambi kaso,
Nsɔmbɔya dikambo dia tɛmpɛlɔ kande.+
Nyowodinge tshɛ; aha ndooko onto mpandɔ.
Nyowofute lo ndjela etsha ande.+
Nyowosalee paka oko wakandasale.+
Nɛ dia nde akasale akambo la otako tshɛ otsha le Jehowa,
Otsha le l’Ekila la Isariyɛlɛ.+
30 Ɔnkɔnɛ, ɛlɔngɔ ande w’apami wayɔkɔ lo ahole ande wa lo sɛkɛ,+
Ndo asɔlayi ande tshɛ wayolanyema* lushi lɔsɔ,” mbata Jehowa.
31 “Eenda, dimi layanga kɔlɔsha,+ wɛ kanga otako,”+ mbata Nkum’Olongo Nkumadiɔndjɔ, Jehowa kanga lolembelembe,
“Nɛ dia lushi layɛ pombaka ndja, lushi layomokoya la yɛ.
32 Kanga otako le, wɛ ayotakana ndo ayɔkɔ,
Aha la onto lakonyiya.+
Ndo dimi layotshumba esomba ayɛ la dja,
Ndo yɔ yayotshumba ɛngɔ tshɛ kokodingi.”
33 Jehowa kanga lolembelembe kata ate:
“Ase Isariyɛlɛ ndo ase Juda wekɔ lo pɛnyahɛnyama,
Ndo wanɛ tshɛ wakawande mfumbe wambaakimɛ.+
Vɔ wambotona mbatshika dia vɔ ntshɔ.+
34 Koko Otshungodi awɔ ekɔ la wolo.+
Jehowa kanga lolembelembe kele lokombo lande.+
Nde mɛtɛ ayowatɛkɛtɛ lo kilombo kawɔ,+
Dia mbisha wodja momuya+
Ndo dia mbela osukusuku le wanɛ wadjasɛ la Babilɔna.”+
35 “Lokuwa la ta lekɔ dia ndɔsha ase Kaladiya,” mbata Jehowa,
“Dia ndɔsha wanɛ wadjasɛ la Babilɔna ndo dia ndɔsha ewandji atɔ la anto atɔ wele la tomba.+
36 Lokuwa la ta lekɔ dia ndɔsha anto wata awui w’anyanya* ndo vɔ wayosala akambo oko aladi.
Lokuwa la ta lekɔ dia ndɔsha andɔshi atɔ wa ta ndo vɔ wayoka wɔma.+
37 Lokuwa la ta lekɔ dia ndɔsha mfalasa yawɔ ndo pusupusu yawɔ ya ta,
Ndo dia ndɔsha anto tshɛ wakasɔhana wele l’atei atɔ,
Ko vɔ wayonga oko wamato.+
Lokuwa la ta lekɔ dia ndɔsha diangɔ diatɔ dia nɛmɔ ndo diɔ diayombama.+
38 Elanyelo kekɔ lo ashi atɔ ndo vɔ wayoma.+
Nɛ dia vɔ wekɔ wodja wele la dikishi,+
Ndo l’ɔtɛ wa waɛnɛlɔ awɔ wotsha wɔma, vɔ wekɔ lo ntetemala nsala akambo oko aladi.
39 Ɔnkɔnɛ, ditongami dia l’oswe diayodjasɛ la nyama yaawana,
Ndo lɔkɔ mbayodjasɛka ateke.+
Anto hawodjasɛki lɔkɔ nto pondjo,
Ndo vɔ hawotoyala dihole di’anto mbidjasɛ lo nɔnga tshɛ.”+
40 “Paka oko wakakɔsha Nzambi Sɔdɔma la Ngɔmɔra+ ndo tosombasomba tosukanyi la wɔ,”+ mbata Jehowa, “ndooko onto layodjasɛ lɛkɔ ndo ndooko onto layoka ngelo lɛkɔ.+
41 Eenda, wodja ɔmɔtshi wekɔ lo ndjaye oma lo nɔrdɛ;
Wodja wa woke ndo nkumi ya dikanga+ ya weke yayotomba
Oma lo ahole woleki etale wa la nkɛtɛ.+
42 Vɔ kambaka la ota ndo la dikɔnga.+
Vɔ wekɔ ngala ndo hawotoka kɛtshi.+
Londjo lawɔ lekɔ oko la ndjale kadikita,+
Etena kayawahema lo mfalasa yawɔ.
Oko onto 1, vɔ wambɔlɔngama dia kɔlɔsha, wɛ ɔna womoto la Babilɔna.+
Lɔkɔnyɔ lambowonda,
Kandji kele oko ka womoto latata lɔɔnɔ.
44 “Eenda, onto ɔmɔtshi ayoya dia ndjɔlɔsha ahole wa ndeshaka dongalonga wakokamɛ oko ntambwɛ k’oma lo tohoka ta weke tele l’omamu wa Jɔrdana, koko aha la ntshimbatshimba, dimi layowatshanya etale oma le nde. Ndo dimi layokitsha laadiko diande ɔnɛ lakasɔnama.+ Nɛ dia akɔna ele oko dimi ndo akɔna akoka nsɛmanɛ la mi? Olami w’ɛkɔkɔ wakɔna wakoka memala la ntondo kami?+ 45 Diakɔ diele nyohokame nyu anto, yɛdikɔ* yambɔsa Jehowa lo dikambo dia Babilɔna+ ndo kɛnɛ kamondokanyiya lo dikambo dia wodja w’ase Kaladiya.
Lo mɛtɛ, ana wa totshitshɛ wa dongalonga wayokotɔma.
Nde ayetɛ dihole diawɔ dia mbidjasɛ tɔngɔ to l’ɔtɛ awɔ.+
46 Nkɛtɛ kayodidima la londjo la woho wayɔsama Babilɔna
Ndo okoko wayokɛma l’atei wa wedja.”+