1 Nkumi ya dikanga

6 L’ɔnɔnyi wa 480 l’ɔkɔngɔ w’ase Isariyɛlɛ* ntomba oma lo wodja w’Edjibito,+ ɔnɔnyi wa 4 l’ɔkɔngɔ wa Sɔlɔmɔna monga nkumekanga k’Isariyɛlɛ, lo ngɔndɔ ka Zivɛ*+ (mbuta ate ngɔndɔ ka 2), nde akatatɛ mbika luudu la Jehowa.*+ 2 Luudu lakakɛ nkumekanga Sɔlɔmɔna Jehowa laki la otale wa kubita* 60, woke wa kubita 20 ndo tanga dia kubita 30.+ 3 Tshoto y’otale+ yaki la soko dia tɛmpɛlɔ* yaki la wekeke* wa kubita 20, yakɛdima la wekeke wa luudu* lakɔ. Yɔ yaki la woke wa kubita 10 oma la ntondo ka luudu lakɔ.

4 Nde akasale adidishi waki la kadrɛma+ yele oko weolɔ lo luudu lakɔ. 5 Ndo nto, nde akake etenyi ka l’omamu w’ehele ka luudu lakɔ. Tɔ kaki lo otshimbedi wa mpele dia luudu lakɔ, dia tɛmpɛlɔ* ndo dia luudu loleki l’etei,+ ndo nde akasale mvudu ya l’omamu lo otshimbedi alɔ tshɛ.+ 6 Etenyi ka k’ɛse ka mvudu ya l’emamu kaki la woke wa kubita 5, etenyi ka l’atei atei kaki la woke wa kubita 6 ndo etenyi ka 3 ka la diko kaki la woke wa kubita 7, nɛ dia nde akasale atshuku* w’atafadi l’otshimbedi wa luudu lakɔ woho wele ndooko ɛngɔ kakakɔhama lo mpele dia luudu.+

7 Luudu lakɔ lakakama la ave wamboshilaka nɔngɔsɔma+ diaha londjo la maditɔ kana shɔka kana ehomɔ kekina ka lowolo mbokɛma lo luudu lakɔ etena kakawalikaka. 8 Soko dia luudu la l’omamu la k’ɛse diaki lo lɛkɛ la sidɛ* ka luudu+ lakɔ, ndo kibandola kakadɛka otsha lo luudu la l’atei atei ndo oma lo luudu la l’atei atei otsha lo luudu la 3 la la diko. 9 Nde akatetemala mbika luudu lakɔ ndo akalishidiya,+ ko akakombe luudu lakɔ l’abaya w’olondo ndo akamame abaya w’olondo+ lo ɛnɔngɔ. 10 Nde akake mvudu ya l’emamu l’otshimbedi w’otondo wa luudu+ lakɔ; luudu la luudu laki la tanga dia kubita 5 ndo tɔ takamamatanyema la luudu lakɔ la esembe w’olondo.

11 L’etena kɛsɔ, ɔtɛkɛta wa Jehowa wakaye le Sɔlɔmɔna ɔnɛ: 12 “Lo kɛnɛ kendana la luudu lɔnɛ lakayɛ, naka wɛ nkɛndakɛnda lo wadjango ami, naka wɛ ndjela dombwelo diami ndo naka wɛ nkitanyiya ɛlɛmbɛ ami tshɛ lo nkɛndakɛnda lɔkɔ,+ kete dimi lawɔ layokotsha daka diami diakamalake Davidɛ dia shɔ,+ 13 dimi layodjasɛ l’atei w’ase Isariyɛlɛ+ ndo dimi hantohɛ wodja ami w’Isariyɛlɛ.”+

14 Sɔlɔmɔna akatetemala mbika luudu lakɔ dia lishidiya. 15 Nde akake mpele dia l’etei ka luudu lakɔ l’abaya w’olondo. Nde akamame abaya lo mpele dia l’etei, oma l’odihe wa luudu polo l’esembe wa l’odiko ndo nde akakombe odihe wa luudu lakɔ l’abaya wa dihake.+ 16 Nde akake etenyi kɛmɔtshi ka kubita 20 l’otshimba wa luudu lakɔ l’abaya w’olondo, oma l’odihe polo l’odiko, ndo nde akake luudu loleki l’etei,+ Dihole dioleki Ekila+ l’etei kalɔ.* 17 Tɛmpɛlɔ,*+ mbuta ate etenyi ka la ntondo ka luudu lakɔ kaki la kubita 40. 18 Abaya w’olondo wa l’etei ka luudu lakɔ wakalɛngama l’asango wa sɛlɛ+ ndo alɛmbɔlɛmbɔ.+ Tshɛ aki paka l’abaya w’olondo; ndooko dive diakɛnamaka.

19 Nde akalɔngɔsɔla luudu loleki l’etei+ lo luudu lakɔ dia mbidja ɔshɛtɛ wa sheke wa Jehowa+ lɔkɔ. 20 Luudu loleki l’etei laki la otale wa kubita 20, woke wa kubita 20 ndo tanga dia kubita 20.+ Nde akakite paonyi ka pudipudi lɔkɔ. Nde akakombe elambwelo+ l’abaya w’olondo. 21 Sɔlɔmɔna akakite paonyi ka pudipudi+ l’etei ka luudu lakɔ ndo nde akekɛ mɔlɔla wa paonyi la ntondo ka luudu loleki l’etei+ lakakitama paonyi. 22 Nde akakite paonyi lo luudu lakɔ l’otondo polo lam’akashile luudu lakɔ. Nde akakite paonyi ndo lo elambwelo+ k’otondo kaki suke la luudu loleki l’etei.

23 Nde akasale akɛruba+ 2 la osongo w’owele* lo luudu loleki l’etei, ɔkɛruba l’ɔkɛruba aki la otale wa kubita 10.+ 24 Dihafu dimɔtshi di’ɔkɛruba diaki la otale wa kubita 5 ndo dihafu dikina otale wa kubita 5. Oma la koma ya dihafu dimɔtshi polo la koma ya dihafu dikina aki kubita 10. 25 Ɔkɛruba wa 2 vɔ lawɔ aki la otale wa kubita 10. Akɛruba akɔ 2 waki la woke waamɛ ndo woho waamɛ. 26 Ɔkɛruba ɔmɔtshi waki la diema dia kubita 10 oko waki ɔkɛruba okina. 27 Ko nde akadje akɛruba+ akɔ l’etei ka luudu la l’etei.* Ahafu w’akɛruba akɔ wakasandjɔ dia dihafu di’ɔkɛruba ɔmɔtshi nkoma lo ehele kɛmɔtshi ndo dihafu di’ɔkɛruba okina nkoma lo ehele kekina, ndo wakasandjola ahafu awɔ otsha l’atei atei wa luudu di’ahafu akɔ mpomana. 28 Ko nde akakite paonyi lo akɛruba akɔ.

29 Lo mpele tshɛ dia luudu lakɔ lo wedi akɔ tshɛ, oyadi lo mvudu ya l’etei kana ya l’andja,* nde akasange asango w’akɛruba,+ atoko+ ndo alɛmbɔlɛmbɔ.+ 30 Nde akakite paonyi l’odihe wa luudu lakɔ, lo mvudu ya l’etei ndo ya l’andja. 31 Ndo la soko dia luudu loleki l’etei, nde akasale nkuke l’abaya w’osongo w’owele, dikundji dia l’emamu ndo kadrɛma oko etenyi ka 5.* 32 Nkuke yakɔ 2 yakasalema l’abaya w’osongo w’owele ndo nde akasange akɛruba, atoko ndo alɛmbɔlɛmbɔ lɔkɔ ko nde akakite paonyi lɔkɔ. Ko nde akamame paonyi lo akɛruba ndo lo atoko akɔ. 33 Lo dikambo dia soko dia tɛmpɛlɔ,* ngasɔ kakandasale dikundji dia la soko la osongo w’owele, dikambo di’etenyi ka 4.* 34 Nde akasale nkuke 2 l’abaya w’osongo wa dihake. Lokuke lɔmɔtshi laki la bɛtshi 2 diakatshimbaka lo diangɔ diakalakimamɛ ndo lokuke lokina laki la bɛtshi 2 diakatshimbaka lo diangɔ diakalakimamɛ.+ 35 Nde akasange akɛruba, atoko ndo alɛmbɔlɛmbɔ ndo nde akakite paonyi lo diangɔ diakandasange.

36 Nde akake lokombo la sɛkɛ dia l’etei+ la ɛnɔngɔ 3 w’ave wa lɔkɔlɔnga ndo ɔnɔngɔ 1 w’abaya w’olondo.+

37 Lo ɔnɔnyi wa 4, lo ngɔndɔ ka Zivɛ,* etshina ka luudu la Jehowa kakasalema.+ 38 Ndo lo ɔnɔnyi wa 11, lo ngɔndɔ ka Bulu* (mbuta ate ngɔndɔ ka 8), luudu lakɔ lakashile tshɛ lo tshɛ lo ndjela ekongelo kalɔ.+ Ɔnkɔnɛ, nde akasale ɛnɔnyi 7 dia lika.