Esambo
Osambo wa Wodelo.
132 Jehowa le, ohɔ Davidɛ
Ndo asui ande tshɛ;+
2 Woho wakandatshibɛ Jehowa,
Woho wakandatshike dɔkɔlɔkɔ le Kanga Wolo laki Jakɔbɔ ate:+
3 “Dimi hantotshɔ lo luudu lami la dipɛma, lo ngelo kami.+
Dimi hantetama lo ntange kami, lo mbeto kami;
4 Dimi hantetawɔ dia washo ami ndala djɔ,
Ndo dia ntɔki yami mpɔhiya
5 Polo lam’ayomotanɛ Jehowa dihole,
Dihole dia dimɛna di’edjaselo* dikambo dia Kanga Wolo laki Jakɔbɔ.”+
9 Ɛlɔmbɛdi ayɛ walɔtshame la losembwe,
Ndo ekambi ayɛ wa kɔlamelo wade ekoko w’ɔngɛnɔngɛnɔ.
11 Jehowa akatshibɛ Davidɛ;
Lo mɛtɛ nde hatokalola ɛkɔngɔkɔngɔ oma lo ɔtɛkɛta ande ɔnɛ:
12 Naka anayɛ nama sheke yami
Ndo waohwelo ami wawaetshami,+
Kete ndo anawɔ
Wayodjasɛ lo kiti kayɛ ka lowandji pondjo pondjo.”+
14 “Ɔnɛ kele dihole diami dia momuya dia pondjo;
Lanɛ kayomodjasɛ,+ nɛ dia kɛsɔ mbakombolami.
15 Dimi layoditshɔkɔla efula la mbo ya ndɛ;
Dimi layolotsha ase wola wa lɛkɔ la mapa.+
16 Ɛlɔmbɛdi wa lɛkɔ wayɔlɔtshama la panda,+
Ndo akanga wa kɔlamelo wa lɛkɔ wayoda ekoko w’ɔngɛnɔngɛnɔ.+
17 Lɛkɔ kayomofudia wolo* wa Davidɛ.
Dimi lakalɔngɔsɔla tala dikambo dia okitami ami w’esɔ.+