Esambo
Dɔmbɛlɔ dia Davidɛ.
2 Olame lɔsɛnɔ* lami, nɛ dia dimi lekɔ la kɔlamelo.+
Oshimbee okambi ayɛ wayaɛkɛ le yɛ,
Nɛ dia wɛ kele Nzambi kami.+
6 Jehowa le, ohokame dɔmbɛlɔ diami;
Ndo odje yimba lo ɔsɛngɔsɛngɔ wayangami ekimanyielo.+
9 Wedja tshɛ wakayasale
Wayoya ndo wayokusama la ntondo kayɛ, wɛ Jehowa,+
Ndo wayotombola lokombo layɛ.+
11 Jehowa le, ombetsha mboka kayɛ.+
Dimi layɔkɛndakɛndaka lo mɛtɛ kayɛ.+
Osanganya otema ami* dia mboka lokombo layɛ wɔma.+
12 Jehowa Nzambi kami le, lambokotombola la otema ami tshɛ,+
Ndo dimi layotombolaka lokombo layɛ pondjo pondjo,
13 Nɛ dia ngandji ka kɔlamelo kambokayɛ kekɔ efula,
14 Nzambi le, akanga w’etako wambonɛɛ dia ndɔshami;+
Olui w’akanga w’esehe wekɔ lo nyanga dia mbɔsa lɔsɛnɔ lami,*
15 Koko Jehowa le, wɛ ekɔ Nzambi ka kɛtshi ndo kokana kandji,*
Kahoke nkɛlɛ esadi ndo koludi tɔɔ la ngandji ka kɔlamelo ndo la kɔlamelo.*+
16 Okadimɔ oya le mi ndo omboke kɛtshi.+
Osha okambi ayɛ wolo ayɛ,+
Ndo oshimbee ɔna okambi ayɛ wa womoto.
17 Ɔmɛnya djembetelo y’ɔlɔlɔ ayɛ,
Dia wanɛ wampetsha ndjiɛna ndo mbishama nsɔnyi.
Nɛ dia Jehowa le, wɛ kele okimanyedi ami ndo osambi ami.