Esambo
DIBUKU DIA SATO
(Osambo 73-89)
Ngɛngu k’Asafu.+
73 Nzambi ekɔ mɛtɛ ɔlɔlɔ le Isariyɛlɛ, le wanɛ wele l’etema wa pudipudi.+
2 Lo wedi ami, ekolo ami waki suke la ntakɔ mboka;
Akaka ami waki suke la nsɛlɔ.+
6 Koko lotamanya kele shɛnɛtɛ lo nkingo yawɔ;+
Vɔ ndɔtshama l’awui wa ngala oko dihɔndɔ.
7 Ɔngɔnyi* awɔ mbakonyaka dia mpangola washo;
Vɔ wambokondja ndeka ndo kɛnɛ kakalongamɛka etema awɔ.
8 Vɔ sɔkanaka ndo mbutaka akambo wa kɔlɔ.+
La lotamanya tshɛ vɔ manɛɛka dia mpɛnyɔla anto.+
9 Vɔ tɛkɛtaka wate kana oko vɔ mbɛdima la olongo tanga,
Ndo nemi yawɔ mbetetaka la nkɛtɛ la lotamanya tshɛ.
10 Ɔnkɔnɛ, anto ande kadimɔka otsha le wɔ,
Ndo vɔ nɔɔka oma lo lokema l’ashi awɔ.
11 Vɔ mbutaka vate: “Ngande wakoka Nzambi mbeya?+
Onde mɛtɛ Ɔnɛ-Laheme-Tshɛ ekɔ la ewo?”
12 Lo mɛtɛ, ngasɔ mbele akanga wa kɔlɔ, watɛnaka ɔlɔ tena tshɛ.+
Vɔ tetemalaka ndjafudiyɛ ɛngɔnyi.+
13 Lo mɛtɛ, olamalama kakamalame otema ami pudipudi
Ndo kakamasole anya ami lo monga aha la onongo.+
15 Ko otondonga lakate akambo asɔ,
Tshike lotofunga anto ayɛ.*
16 Etena kakamayangaka dia nshihodia dui sɔ,
Diɔ diakantshindjaka wɔɔngɔ.
17 Polo lam’akamayɔtɔka lo tɛmpɛlɔ k’ekila ka diambo kaki Nzambi,
Ndo lam’akamayoshihodia kɛnɛ kayowakomɛ.
18 Lo mɛtɛ, wɛ akaakitsha lo nkɛtɛ y’ɔsɛlɔ.+
Wɛ mbakɔshaka dia vɔ ndanyema.+
19 Ande woho wambowolanyema la shashimoya lee!+
Ande woho wambowoshila la shashimoya etena kambaayɛ ekomelo ka kɔlɔ lee!
20 Jehowa le, oko watoyalaka dɔ etena kakashimɔ onto,
Etena kayoyonɛɛ, wɛ ayowaohɛ.*
22 Dimi laki la ekanelo ka kɔlɔ ndo komonga la yimba;
Dimi laki oko nyama k’enginya la ntondo kayɛ.
23 Koko kakianɛ dimi laya tena tshɛ kaamɛ la yɛ;
Wɛ ambonkimɛ lo lonya lami l’omi.+
25 Onto akɔna ele la mi l’olongo?
Ndo laadiko diayɛ, ndooko ɛngɔ kakombolami la nkɛtɛ.+
26 Demba diami ndo otema ami mbeyaka nkɔmɔ,
Koko Nzambi ekɔ dive dia otema ami ndo yema yami pondjo pondjo.+
27 Lo mɛtɛ, wanɛ waangana la yɛ wayolanyema.
Wɛ ayokomiya* onto tshɛ laangana la yɛ lo yoho ya mindo.*+
28 Koko le mi, nsukana la Nzambi kele ɔlɔlɔ le mi.+
Dimi lambetɛ Nkum’Olongo Nkumadiɔndjɔ Jehowa eshamelo kami,
Dia mbewoyaka etsha ayɛ tshɛ.+