Esambo
Dɔmbɛlɔ di’ɔmɛnyi mfɔnu, etena kamondoshisha elongamelo* ndo kakɛnɛmɔlande ekiyanu ande la ntondo ka Jehowa.+
2 Toshɛke elungi kayɛ oma le mi etena kemi lo sui.+
3 Nɛ dia nshi yami yekɔ lo mfumbɔ oko edinga,
Ndo weka ami wekɔ lo nongola oko lo nkuka ka dja.+
4 Otema ami wambɔkɔmama oko adiyo ndo wamboma,+
Nɛ dia lakohɛ ndɛ mbo ya ndɛ yami.
6 Dimi laya oko diata dia l’oswe;
Ndo dimi laya oko esukula ka tshitshɛ lo ahole wambolanyema.
8 Atunyi ami tɛngakami lushi l’otondo.+
Wanɛ watɔmbɔlaka* mbɔsaka lokombo lami oko mananu.
9 Nɛ dia dimi ndɛka etoko oko mapa,+
Ndo kɛnɛ kanɔmi kambosangana l’asɔyi,+
10 L’ɔtɛ wa nkɛlɛ kayɛ ndo wa yɛnyi yayɛ,
Nɛ dia wɛ akambidiya paka dia mbikashami l’omamu.
13 Lo mɛtɛ, wɛ ayemala ndo ayoka Siɔna kɛtshi,+
Nɛ dia etena kambokoka ka wɛ ndjioka kɛtshi;+
Etena kakashikikɛma kambokoka.+
15 Wedja wayoka lokombo la Jehowa wɔma,
Ndo nkumi ya dikanga tshɛ ya la nkɛtɛ lotombo layɛ.+
19 Nɛ dia nde mendaka oma lo dihole diande di’ekila dia la diko,+
Oma l’olongo, Jehowa mɛnaka nkɛtɛ,
20 Dia mpokamɛ osekumelo w’ose lokanu,+
Dia ntshungola wanɛ wakawafundɛ nyɔi,+
21 Kele lokombo la Jehowa kalewoyame lo Siɔna+
Ndo lotombo lande lo Jɛrusalɛma,
22 Etena kayonga anto ndo waolelo
Kaamɛ dia kambɛ Jehowa.+
23 Nde akampɔtɔla wolo ami la ntondo k’etena nkoka;
Nde akasuse nshi yami.
24 Dimi lakate nte: “Nzambi kami le,
Tondjakake l’atei atei wa lɔsɛnɔ lami,
Wɛ lele ɛnɔnyi ayɛ kokanɛka lo nɔnga tshɛ.+
25 Wɛ akasale atshina wa nkɛtɛ edja efula la ntondo,
Ndo olongo wekɔ olimu w’anya ayɛ.+
26 Vɔ wayolanyema, koko wɛ ayotshikalaka;
Oko dihɔndɔ, vɔ tshɛ wayonga emusu.
Wɛ ayowaengola oko dihɔndɔ ndo vɔ wayeta.
27 Koko wɛ tshikalaka paka woho weyɛ ndo ɛnɔnyi ayɛ hawokomɛki pondjo.+
28 Ana w’ekambi ayɛ wayodjasɛka lo wɔladi,
Ndo tokanula tawɔ wayoshikimalaka nge la ntondo kayɛ.”+