Esambo
Le ɔnɔmbɔdi; kongɛma lo “Lofumbɔ la Yosose.”* Ngɛngu ka Davidɛ.
22 Nzambi kami le, Nzambi kami le, lande na kamboyɔnsɛka?+
Lande na kamboyangana etale dia shimbɛmi,
Etale mangana la ekoko ami wa shɔkɔ?+
2 Nzambi kami katetemalami mbelɛ la yanyi, koko wɛ hankadimola;+
Ndo l’otsho dimi halɔlama.
8 “Nde akayaɛkɛ le Jehowa. Aya Nde mbotshaka!
Nde awoshimbee, nɛ dia Nde+ mbɔngɛnangɛnaka!”
9 Wɛ kakantondja oma lo dikundju,+
Wɛ kakasale dia dimi ndjaoka lo ekokelo lo awɛlɛ wa mama.
10 Dimi lokoyaɛkɛka lo ekokelo kayɛ* oma ko eotwelo;
Oma ko dikundju dia mama, wɛ aki Nzambi kami.
12 Ɛsɔngɔ efula wa ngɔmbɛ ya waomi wambonyinga;+
Ngɔmbɛ ya waomi ya wolo y’oma la Bashana yambontshimba djwɛ.+
14 Dimi lambotshulɔ oko ashi;
Weka ami tshɛ wambɔsɔngɔ.
15 Wolo ami wamboma oko ɛtshi ka diwomba;+
Lolemi lami lambomamatana la eshingi ami;+
Wɛ ekɔ lo tampoloya lo ditshu dia nyɔi.+
16 Nɛ dia mfɔ yambonyinga;+
Yɔ yamboleka nsukana la mi oko olui w’atshi wa kɔlɔ,+
Oko ntambwɛ, yɔ yekɔ lo anya la ekolo ami.+
17 Dimi koka mbadia weka+ ami tshɛ.
Vɔ mendakami ndo shishimakami.
18 Vɔ wambokahana ahɔndɔ ami lam’asawɔ,
Ndo vɔ wamboka owale dia mbɔsa dihɔndɔ+ diami.
19 Koko Jehowa le, totshikalake etale.+
Wɛ kele wolo ami; samanya dia ndjonkimanyiya.+
20 Onshimbee* oma lo lokuwa la ta,
Lɔsɛnɔ lami la nɛmɔ* oma lo nkala* ya mfɔ;+
21 Onshimbee oma l’onyɔ wa ntambwɛ+ ndo oma lo nseke ya ndjate;
Onkadimole ndo onshimbee.
23 Nyu wanɛ woka Jehowa wɔma, nyootombole!
Nyu ana* tshɛ wa Jakɔbɔ, nyootombole!+
Nyowooke wɔma wɔsɔhanyemi la dilɛmiɛlɔ, nyu ana* tshɛ w’Isariyɛlɛ.
Etena kakandoolelɛ dia nyanga ekimanyielo, nde akooke.+
25 Dimi layokotombola lo etshumanelo+ ka woke;
Dimi layoshidiya alɔkɔlɔkɔ ami la ntondo ka wanɛ wawooka wɔma.
Nyongake la lɔsɛnɔ* pondjo pondjo.
27 Tokoma tshɛ ta nkɛtɛ tayohɔ ndo tayokadimɔ le Jehowa.
Nkumbo tshɛ ya wedja yayokusama la ntondo kayɛ.+
28 Nɛ dia Jehowa kakanga lowandji;+
Nde koolɛ wedja.
29 Akanga w’ɛngɔnyi* tshɛ wa la nkɛtɛ wayɔlɛ ndo wayokusama;
Wanɛ tshɛ wataholɔ otsha lo ditshu wayoka adwe la ntondo kande;
Ndooko onto l’atei awɔ lakoka nshimbɛ nsɛnɔ* yawɔ.
30 Tokanula* tawɔ wayowokambɛ;
Wayotɛ lɔlɔnga layaye awui wendana la Jehowa.
31 Vɔ wayoya ko wayota awui wendana la losembwe lande.
Vɔ wayotɛ anto wahaatotɔ kɛnɛ kamondosala.