1 Ɛkɔndɔ

9 Ase Isariyɛlɛ tshɛ wakafundjama nkombo lo ndjela ɛlɔndji awɔ ndo vɔ fundama lo Dibuku dia Nkumi ya dikanga y’Isariyɛlɛ. Ndo ase Juda wakatɔlama lo lɔhɔmbɔ la Babilɔna l’ɔtɛ wakiwɔ komonga la kɔlamelo.+ 2 Anto wa ntondo wakakalola lo ahole awɔ lo osomba awɔ vɔ anɛ: Ase Isariyɛlɛ amɔtshi, ɛlɔmbɛdi, ase Lɛwi ndo ekambi wa lo tɛmpɛlɔ.*+ 3 Tokanula tɔmɔtshi ta Juda,+ ta Bɛnjamina,+ ta Efrayimɛ ndo ta Manase takadjasɛ la Jɛrusalɛma tɔ tɔnɛ: 4 Utai ɔna Amihudɛ ɔna Omiri ɔna Imiri ɔna Bani, tokanula ta Perɛzɛ+ ɔna Juda. 5 Oma le aseka Shilo: Asaya ɔna l’enondo nde l’anande w’apami. 6 Oma le ana w’apami wa Zera:+ Juɛlɛ nde l’anango 690.

7 Oma le tokanula ta Bɛnjamina: Salu ɔna Meshulama ɔna Hɔdavia ɔna Hasɛnua, 8 Ibeneya ɔna Jɛrɔhama, Ela ɔna Uzi ɔna Mikiri ndo Meshulama ɔna Shefatiya ɔna Ruɛlɛ ɔna Ibinidja. 9 Anangɛwɔ lo ndjela ɔlɔndji wa tokanula tawɔ waki 956. Apami asɔ tshɛ waki ɛtɛ wa nkumbo ya washɛwɔ.*

10 Oma le ɛlɔmbɛdi: Jedaya, Jɛhɔyaribɛ, Jakina,+ 11 Azariya ɔna Hilikiya ɔna Meshulama ɔna Zadɔka ɔna Merayota ɔna Ahitubɛ, ɔnɔmbɔdi wa luudu* la Nzambi ka mɛtɛ, 12 Adaya ɔna Jɛrɔhama ɔna Pashura ɔna Malakidja, Masai ɔna Adiyɛlɛ ɔna Jahazɛra ɔna Meshulama ɔna Meshilɛmitɛ ɔna Imɛrɛ, 13 ndo anangɛwɔ, ɛtɛ wa nkumbo ya washɛwɔ waki apami wa wolo kinunu la nkama esambele la akumi asamalo (1 760), wanɛ wele la akoka ndo waki suke dia nkamba olimu wa lo luudu la Nzambi ka mɛtɛ.

14 Oma le ase Lɛwi: Shemaya+ ɔna Hashubɛ ɔna Azirikama ɔna Hashabiya w’oma l’atei wa tokanula ta Merari; 15 ndo Bakibakara, Herɛshɛ, Ngalala, Mataniya ɔna Mika ɔna Zikiri ɔna Asafu, 16 Obadiya ɔna Shemaya ɔna Ngalala ɔna Jedutuna, ndo Bɛrɛkiya ɔna Asa ɔna Elekana, wanɛ wakadjasɛka lo ahole w’aseka Netɔfa.+

17 Wanɛ mbaki alami w’asoko:+ Shaluma, Akuba, Talamɔna, Ahimana ndo Shaluma ɔnangɛwɔ kaki ɔtɛ, 18 ndo polo l’etena kɛsɔ, nde aki la soko dia nkumekanga dia lo ɛstɛ.+ Wasɔ mbaki alami w’asoko wa lo mpango y’ase Lɛwi. 19 Shaluma ɔna Kɔre ɔna Ebiyasafu ɔna Kɔra, ndo anango wa lo luudu la she, aseka Kɔra wanɛ waki la ɔkɛndɛ wendana l’olimu, alami w’asoko wa luudu la dipɛma, ndo washɛwɔ waki alami wa mpango ka Jehowa oko alami wa soko. 20 Finehasi+ ɔna Eleazara+ kaki ɔnɔmbɔdi awɔ ntondo; Jehowa aki kaamɛ la nde. 21 Zɛkariya+ ɔna Meshɛlɛmiya aki olami wa soko dia mbɔtwɛlɔ ka luudu la dipɛma l’esanganelo.

22 Wanɛ tshɛ wakasɔnama oko alami w’asoko waki 212. Vɔ waki lo ahole awɔ lo ndjela ofundjelo wa nkombo,+ lo ndjela ɛlɔndji awɔ. Davidɛ nde la Samuɛlɛ laki ɔmɛnyi w’akambo woshɛmi+ mbakasɔnɛ anto asɔ lo ɛkɛndɛ washawɔ anto wɛkɛwɔ otema. 23 Vɔ l’anawɔ w’apami waki la ɔkɛndɛ w’olimu wa djamu y’asoko wa luudu la Jehowa,+ luudu la dipɛma. 24 Alami w’asoko waki lo wedi akɔ 4, mbuta ate lo ɛstɛ, owɛstɛ, lo nɔrdɛ ndo lo sidɛ.+ 25 Tena la tena, anangɛwɔ wakayaka oma l’ahole awɔ l’edja ka nshi 7 dia ndjokamba kaamɛ la wɔ. 26 Ewandji 4 w’alami w’asoko waki la ɔkɛndɛ l’olimu washawɔ anto wɛkɛwɔ otema. Vɔ waki ase Lɛwi ndo waki la ɔkɛndɛ wa nama mvudu* ndo waombelo wa lo luudu la Nzambi ka mɛtɛ.+ 27 Vɔ waketshaka otsho w’otondo lo ahole awɔ l’otshimbedi w’otondo wa luudu la Nzambi ka mɛtɛ, nɛ dia vɔ wakakambaka olimu wa djamu ndo waki la ɔkɛndɛ wa nama nsapi ndo wakadiholaka luudu pindju tshɛ.

28 Amɔtshi l’atei awɔ waki la ɔkɛndɛ wa namaka diangɔ di’olimu.+ Vɔ wakadiadiaka lam’akawadiɔtshiyaka ndo wakadiadiaka lam’akawaditondjaka. 29 Amɔtshi l’atei awɔ wakasɔnama dia namaka diangɔ dikina,+ diangɔ di’ekila tshɛ kaamɛ ndo ofushi wa dimɛna,+ wanu,+ esɔ,+ tshɔ ya wɛma+ ndo esɔ ka balasama.+ 30 Ana amɔtshi w’apami w’ɛlɔmbɛdi wakasɔhanyaka esɔ ka balasama k’okitelo. 31 Matitiya ose Lɛwi laki ɔna l’enondo laki Shaluma oseka Kɔra akakambaka olimu washawɔ anto wɛkɛwɔ otema dia namaka diangɔ diakawakatɛka lo mpanu.+ 32 Anangɛwɔ amɔtshi w’aseka Kɔhata mbaki la ɔkɛndɛ wa katɛka mapa wa lahatanya*+ sabato tshɛ.+

33 Amembi, ɛtɛ wa nkumbo ya washe ase Lɛwi waki lo mvudu,* vɔ kokambaka elimu ekina, nɛ dia vɔ wakakambaka olimu awɔ la yanyi ndo l’otsho. 34 Vɔ mbaki ɛtɛ wa nkumbo ya washe ase Lɛwi lo ndjela ɔlɔndji wa tokanula tawɔ, ewandji. Vɔ wakadjasɛka la Jɛrusalɛma.

35 Jeyɛlɛ she Ngibiyɔna akadjasɛka la Ngibiyɔna.+ Wadɛnde lokombo lande Maaka. 36 Abidɔna kele ɔnande l’enondo, oma laasɔ ko Zura, Kisha, Baala, Nɛrɛ, Nadaba, 37 Ngɛdɔrɛ, Ahiyo, Zɛkariya ndo Mikilɔtɛ. 38 Mikilɔtɛ akote Shimeamɛ. Vɔ tshɛ wakadjasɛka suke l’anangɛwɔ la Jɛrusalɛma kaamɛ l’anangɛwɔ akina. 39 Nɛrɛ+ akote Kisha; Kisha akote Saolo;+ Saolo akote Jɔnatana,+ Malaki-Shua,+ Abinadaba+ ndo Eshibala. 40 Jɔnatana akote Meribɛ-Baala.+ Meribɛ-Baala akote Mika.+ 41 Ana w’apami wa Mika vɔ anɛ: Pitɔna, Melɛkɛ, Tahɛrea ndo Ahaza. 42 Ahaza akote Jara; Jara akote Alɛmɛtɛ, Azɛmavɛta ndo Zimiri. Zimiri akote Mɔza. 43 Mɔza akote Binea ndo Rɛfaya ɔnande, Eleasa ɔnande, Azɛlɛ ɔnande. 44 Azɛlɛ aki l’ana w’apami 6 ndo nkombo yawɔ yɔ nyɛ: Azirikama, Bɔkɛru, Ishimaɛlɛ, Sheariya, Obadiya ndo Hanana. Wasɔ mbele ana w’apami wa Azɛlɛ.