1 Ɛkɔndɔ
16 Ko vɔ wakaye la Ɔshɛtɛ wa Nzambi ka mɛtɛ ndo wakawodje l’etei ka luudu la dipɛma lakake Davidɛ dikambo diawɔ.+ Vɔ wakalambola elambo wa lotshumba ndo elambo w’osanga la ntondo ka Nzambi ka mɛtɛ.+ 2 Lam’akashidiya Davidɛ nambola elambo wa lotshumba+ ndo elambo w’osanga,+ nde akatshɔkɔla anto lo lokombo la Jehowa. 3 Ndo nto, nde akakahɛ ase Isariyɛlɛ tshɛ, pami tshɛ ndo womoto tshɛ mapa 1 w’obolonga, okate 1 wakasalema la mba ya datɛ* ndo okate 1 w’elowa wa vinyɔ. 4 Oma laasɔ, nde akasɔnɛ ase Lɛwi amɔtshi dia kambaka olimu la ntondo k’Ɔshɛtɛ wa Jehowa+ dia nɛmiyaka,* mbokaka losaka ndo tombolaka Jehowa Nzambi k’Isariyɛlɛ. 5 Asafu+ kaki owandji, oma lalende ko Zɛkariya, ko Jeyɛlɛ, Shemiramɔta, Jɛhiyɛlɛ, Matitiya, Eliyabɛ, Bɛnaya ndo Ɔbɛdɛ-Ɛdɔmɛ; Jeyɛlɛ+ akahomaka dihomahoma di’eshinga ndo nsɛsɛ;+ Asafu akahomaka nsɛmbalɛ,+ 6 Bɛnaya nde la Jahaziyɛlɛ wanɛ waki ɛlɔmbɛdi wakadaka amama wonya tshɛ la ntondo k’ɔshɛtɛ wa sheke wa Nzambi ka mɛtɛ.
7 Lushi lɔsɔ mbakasha Davidɛ lonya mbala ka ntondo dia ntondja osambo ɔnɛ wa mboka Jehowa losaka lo tshimbo ya Asafu+ nde l’anango:
10 Nyoyafune dikambo dia lokombo lande l’ekila.+
Etema wa wanɛ wayanga Jehowa wangɛnɛngɛnɛ.+
11 Nyoyange Jehowa+ ndo wolo ande.
Nyoyangake elungi* kande tena tshɛ.+
12 Nyohɔ akambo wa diambo wakandasale,+
Ahindo ande ndo dombwelo diakandate,
13 Nyu ana* w’Isariyɛlɛ w’okambi ande,+
Nyu ana wa Jakɔbɔ, ɛsɔnami ande.+
14 Nde kele Jehowa Nzambi kaso.+
Dombwelo diande diekɔ lo nkɛtɛ k’otondo.+
15 Nyohɔke sheke yande pondjo pondjo,
Daka diakandalake,* polo lo nɔnga kinunu (1 000),+
16 Sheke yakandadje la Abrahama,+
Ndo etshibelo kakandatshibɛ Isaka,+
17 Kakandashikikɛ oko didjango le Jakɔbɔ+
Ndo oko sheke ya pondjo le Isariyɛlɛ,
18 Ate: ‘Dimi layokosha wodja wa Kanana+
Oko etenyi kanyu k’okitɔ.’+
19 Dui sɔ diakasalema etena kakinyu yema tshitshɛ,
Ɛɛ, tshitshɛ efula, ndo etena kakinyu angɛndangɛnda lo wodja.+
20 Vɔ wakatekekɔka lo wodja la wodja,
Oma lo diolelo dimɔtshi otsha le anto akina.+
21 Nde kombetawɔ dia kaanga onto 1 mbahɛnyahɛnya,+
Koko nde akahangwɛ nkumi ya dikanga l’ɔtɛ awɔ,+
22 Ate: ‘Tanyonandake akitami ami w’esɔ,
Ndo tanyosalɛke amvutshi ami dui dia kɔlɔ.’+
23 Nyembee Jehowa, nyu nkɛtɛ k’otondo!
Nyewoyake panda kande lushi la lushi!+
24 Nyosanya lotombo lande l’atei wa wedja,
Akambo ande wa diambo l’atei w’anto tshɛ.
25 Nɛ dia Jehowa ekɔ woke ndo nde kaleka nsungana tombɔma.
Nde ndeka tozambizambi tokina tshɛ mbokama wɔma.+
28 Nyosha Jehowa kɛnɛ kahombande nongola, nyu nkumbo y’anto,
Nyosha Jehowa kɛnɛ kahombande nongola l’ɔtɛ wa lotombo ndo wolo ande.+
Nyokusamee* Jehowa, nyele la dɛngalɛnga di’ekila.*+
30 Nyodidime la ntondo kande, nyu nkɛtɛ k’otondo!
Nkɛtɛ* nshikimala nge; yɔ hayokoke nsukasuka.*+
31 Olongo wangɛnɛngɛnɛ, ndo nkɛtɛ konge l’ɔngɛnɔngɛnɔ;+
Nyewoya wedja nyate: ‘Jehowa aya Nkumekanga!’+
32 Ndjale kakungole ndo kɛnɛ tshɛ koludi lɔkɔ;
Eswe ndo kɛnɛ tshɛ kele lɔkɔ kangɛnɛngɛnɛ.
33 L’etena kakɔ kaamɛ, esongo wa l’okonda wade ekoko w’ɔngɛnɔngɛnɔ la ntondo ka Jehowa,
Nɛ dia nde oyaye* dia ndjolombosha nkɛtɛ.
35 Ndo nyote nyate: ‘Otoshimbee, wɛ Nzambi ka panda kaso,+
Ototshumanya ndo ototshungole oma le wedja,
Dia sho mboka lokombo layɛ l’ekila losaka+
36 Jehowa Nzambi k’Isariyɛlɛ atombɔmake
Pondjo pondjo.’”
Ko anto tshɛ wakate vate: “Aamɛɛ!”* ndo wakatombola Jehowa.
37 Oma laasɔ, Davidɛ akatshike Asafu+ nde l’anango laawɔ la ntondo k’ɔshɛtɛ wa sheke wa Jehowa dia vɔ tetemalaka nkamba la ntondo k’Ɔshɛtɛ,+ lo ndjela kɛnɛ kakasalemaka lushi la lushi.+ 38 Ɔbɛdɛ-Ɛdɔmɛ nde l’anango waki anto 68, ndo Ɔbɛdɛ-Ɛdɔmɛ ɔna Jedutuna nde la Hɔsa waki alami wa soko; 39 ɔlɔmbɛdi Zadɔka+ nde l’asekande ɛlɔmbɛdi waki la ntondo ka tabɛrnaklɛ ka Jehowa lo dihole dia la diko dia la Ngibiyɔna+ 40 dia nambolaka Jehowa elambo wa lotshumba mbala la mbala lo elambwelo k’olambo wa lotshumba pindju la dikɔlɔ, ndo dia nsala kɛnɛ tshɛ kofundami lo Ɛlɛmbɛ wa Jehowa wakandadjangɛ Isariyɛlɛ.+ 41 Hemana nde la Jedutuna+ ndo apami akina tshɛ wakasɔnama lo ndjela nkombo yawɔ dia mbishaka Jehowa losaka,+ nɛ dia “ngandji kande ka kɔlamelo tshikalaka pondjo”+ waki kaamɛ la wɔ; 42 ndo Hemana+ nde la Jedutuna waki kaamɛ la wɔ dia mbidaka amama, nsɛmbalɛ ndo dihomahoma diakamba la wɔ dia ntombola* Nzambi ka mɛtɛ; ndo ana w’apami wa Jedutuna+ waki la soko. 43 Oma laasɔ, anto tshɛ wakatshu lawakawɔ ndo Davidɛ akatshu tɔtshɔkɔla ase luudu lande.