Esambo
א [Alef]
3 Vɔ hawosale ndooko dui dia kɔlɔ;
Vɔ kɛndakɛndaka lo mboka yande.+
4 Wɛ akadjanga
Dia wadjango ayɛ ndjelama dimɛna dimɛna.+
6 Tshike totomoshama nsɔnyi+
Etena kasɛdingolami ɛlɛmbɛ ayɛ tshɛ.
7 Dimi layokotombola la otema wosembwe
Etena kekami dombwelo diayɛ diosembwe.
8 Dimi layokitanyiya wadjango ayɛ.
Tɔnsɛkake pondjo tshɛ lo tshɛ.
ב [Bet]
9 Ngande wakoka ɔlɔngɔ a pami nama mboka kande pudipudi?
Ele lo ndjalama lo ndjela ɔtɛkɛta ayɛ.+
10 Dimi koyangaka la otema ami tshɛ.
Tetawɔke dia dimi ntakɔ ɛlɛmbɛ ayɛ.+
12 Jehowa le, otombɔme;
Ombetsha wadjango ayɛ.
13 Lekɔ lo mbewoya la ɛlɔmɔ ami
Dombwelo tshɛ diakayatɛkɛta.
16 Dimi lekɔ la nsaki k’efula ka wadjango ayɛ.
Dimi hantohɛ ɔtɛkɛta ayɛ.+
ג [Gimel]
17 Salɛ okambi ayɛ akambo la ngandji,
Dia dimi nsɛna ndo nkitanyiya ɔtɛkɛta ayɛ.+
18 Odihole washo ami dia dimi mɛna dimɛna
Awui wa diambo w’oma lo ɛlɛmbɛ ayɛ.
19 Dimi lekɔ ɔngɛndangɛnda lo wodja.+
Tombishɛke ɛlɛmbɛ ayɛ.
20 Dimi* lambɔmɛnama la nsaki k’efula
Dikambo dia dombwelo diayɛ lo tena tshɛ.
21 Wɛ pangwɛka akanga w’etako,
Wanɛ wakadjama mananu watakɔ ɛlɛmbɛ ayɛ.+
22 Onya lɔsɔkɔ ndo diɔnyɔ oma lalemi,*
Nɛ dia lakakitanyiya waohwelo ayɛ.
23 Kaanga etena kadjasɛ ewandji kaamɛ ndo katɛkɛtawɔ kɔlɔ lo dikambo diami,
Okambi ayɛ kanaka yimba* lo wadjango ayɛ.
ד [Dalet]
25 Dimi lambokukumala* lo ditshu.+
Ontshike la lɔsɛnɔ lo ndjela ɔtɛkɛta ayɛ.+
26 Dimi lakakotɛ awui wendana la mboka yami, ko wɛ akankadimola;
Ombetsha wadjango ayɛ.+
27 Onkimanyiya dia nshihodia kitshimudi* ya wadjango ayɛ,
28 Dimi lekɔ* lo ndala ongondo la lɔkɔnyɔ.
Onkeketsha lo ndjela ɔtɛkɛta ayɛ.
29 Ominye mboka ka lokeso,+
Ndo onsale ɔlɔlɔ la ɛlɛmbɛ ayɛ.
30 Dimi lakasɔnɛ mboka ka kɔlamelo.+
Dimi mbeyaka dia dombwelo diayɛ diekɔ ɔlɔlɔ.
31 Dimi mamemaka waohwelo ayɛ.+
Jehowa le, tetawɔke dia dimi mɛmba ɛkɔndjɔ.*+
ה [He]
34 Ombisha yimba,
Dia dimi kitanyiyaka ɛlɛmbɛ ayɛ
Ndo mbalamaka la otema ami tshɛ.
37 Okadimole washo ami diaha vɔ menda kɛnɛ kele anyanya;+
Ontshike la lɔsɛnɔ lo mboka kayɛ.
39 Onya nsɔnyi kokami wɔma,
Nɛ dia dombwelo diayɛ diekɔ ɔlɔlɔ.+
40 Ohenda woho wakombolami wadjango ayɛ.
Ontshike la lɔsɛnɔ lo losembwe layɛ.
ו [Waw]
41 Jehowa le, ɔmɛnya ngandji kayɛ ka kɔlamelo,+
Panda kayɛ lo yoho yɔtɔnɛ la daka* diayɛ;+
42 Ko dimi layokadimola ɔnɛ lantɛnga,
Nɛ dia dimi ndjaɛkɛka lo ɔtɛkɛta ayɛ.
43 Tonyake tshɛ lo tshɛ ɔtɛkɛta wa mɛtɛ oma lo onyɔ ami,
Nɛ dia dimi lakalongamɛ lo* elombwelo kayɛ.
44 Dimi layolamaka ɛlɛmbɛ ayɛ tena tshɛ,
Pondjo pondjo.+
46 Dimi layɔtɛkɛtaka dia waohwelo ayɛ la ntondo ka nkumi ya dikanga,
Ndo dimi hantoshama nsɔnyi.+
47 Dimi lekɔ la nsaki k’efula ka ɛlɛmbɛ ayɛ,
Eelo, dimi mbalangaka.+
ז [Zayin]
50 Vɔ mbele esambelo kami lo asui ami,+
Nɛ dia ɛtɛkɛta ayɛ wakaname la lɔsɛnɔ.
51 Akanga w’etako mɔnyɔlakami tshɛ lo tshɛ,
Koko dimi haatakɔ ɛlɛmbɛ ayɛ.+
53 Dimi lambondama la nkɛlɛ kadɔdɔ dikambo dia kanga kɔlɔ,
Ɔnɛ lasɛka ɛlɛmbɛ ayɛ.+
54 Wadjango ayɛ wekɔ esambo le mi
Dihole tshɛ diadjasɛmi.*
55 Jehowa le,+ l’otsho dimi mbohɔka lokombo layɛ,
Dia dimi nama ɛlɛmbɛ ayɛ.
56 Ɔsɔ kele mbekelo kami
Nɛ dia dimi lakakitanyiya wadjango ayɛ.
ח [Het]
59 Dimi lakasɛdingola mboka yami,
Dia nkaloya ekolo ami lo waohwelo ayɛ.+
60 Dimi lakasale esadi ndo dimi kotshimbatshimba
Dia nama ɛlɛmbɛ ayɛ.+
61 Ɛkɔdi w’akanga wa kɔlɔ wambonyinga,
Koko dimi halohɛ ɛlɛmbɛ ayɛ.+
62 Dimi mbetɔka la midi k’otsho dia kosha losaka+
L’ɔtɛ wa dombwelo diayɛ dia losembwe.
63 Dimi lekɔ ɔngɛnyi wa wanɛ tshɛ wakooka wɔma
Ndo wa wanɛ walama wadjango ayɛ.+
64 Jehowa le, ngandji kayɛ ka kɔlamelo ndola lo nkɛtɛ;+
Ombetsha wadjango ayɛ.
ט [Tet]
65 Wɛ akasalɛ okambi ayɛ ɔlɔlɔ,
Jehowa le, lo ndjela ɔtɛkɛta ayɛ.
66 Ombetsha ekanelo k’ɔlɔlɔ ndo ewo,+
Nɛ dia dimi lamboyaɛkɛ lo ɛlɛmbɛ ayɛ.
68 Wɛ ekɔ ɔlɔlɔ+ ndo etsha ayɛ wekɔ ɛlɔlɔ.
Ombetsha wadjango ayɛ.+
69 Akanga w’etako wambolanya lokumu lami la akambo wa kashi,
Koko dimi kitanyiyaka wadjango ayɛ la otema ami tshɛ.
71 Ekɔ dimɛna lo woho wakamasoyama,+
Dia dimi mbeka wadjango ayɛ.
י [Yod]
73 Anya ayɛ mbakansale ndo mbakankenge.
Ombisha yimba,
Dia dimi mbeka ɛlɛmbɛ ayɛ.+
78 Akanga w’etako washame nsɔnyi,
Nɛ dia vɔ salɛkami kɔlɔ osalɛsalɛ.*
Koko dimi layokana yimba lo* wadjango ayɛ.+
79 Wanɛ wakooka wɔma wakalole le mi,
Wanɛ weya waohwelo ayɛ.
כ [Kaf]
83 Nɛ dia dimi lekɔ oko ɔlɔndɔ wa dikoho wamboma l’edinga,
Koko dimi halohɛ wadjango ayɛ.+
84 Nshi ngana yahomba okambi ayɛ nkonga?
Etena kakɔna kayoyolombosha wanɛ wampɛnyahɛnya?+
85 Akanga w’etako tshimaka afuku dikambo diami,
Wanɛ wɔnyɔla ɛlɛmbɛ ayɛ.
86 Ɛlɛmbɛ ayɛ tshɛ sunganaka mbɛkɛ otema.
Anto wekɔ lo pɛnyahɛnyami aha la ɔkɔkɔ; onkimanyiya!+
87 Vɔ waki suke la shishami oma la nkɛtɛ,
Koko dimi kotshika wadjango ayɛ.
88 Ontshike la lɔsɛnɔ l’ɔtɛ wa ngandji kayɛ ka kɔlamelo,
Dia dimi nama waohwelo wakayatɛkɛta.
ל [Lamed]
89 Jehowa le, pondjo pondjo,
Ɔtɛkɛta ayɛ wayotshikalaka l’olongo.+
90 Kɔlamelo yayɛ yekɔ lo nɔnga tshɛ.+
Wɛ akashikikɛ nkɛtɛ nge, dia yɔ ntetemala monga.+
91 Vɔ wekɔ polo ndo ɛlɔ oma lo dombwelo diayɛ,
Nɛ dia vɔ* tshɛ wekɔ ekambi ayɛ.
92 Otondonga dimi komonga la nsaki k’efula ka ɛlɛmbɛ ayɛ,
Tshike dimi lotolanyema lo asui ami.+
93 Dimi hambohɛki pondjo wadjango ayɛ,
Nɛ dia la wɔ mbakayantshike la lɔsɛnɔ.+
95 Kanga kɔlɔ ekɔ lo nkonga dia ndjakami,
Koko dimi lekɔ lo mbidja yambalo y’efula lo waohwelo ayɛ.
96 Dimi lakɛnyi olelo wa kɛnɛ tshɛ kele kokele,
Koko wadjango ayɛ bu la olelo.*
מ [Mem]
97 Ande woho walangami ɛlɛmbɛ ayɛ lee!+
Dimi kanaka yimba* la wɔ lushi l’otondo.+
98 Wadjango ayɛ mbetɛkami kanga lomba ndeka atunyi ami,+
Nɛ dia vɔ wekɔ kaamɛ la mi pondjo pondjo.
100 Dimi salaka akambo la yimba ndeka epalanga w’anto,
Nɛ dia dimi kitanyiyaka wadjango ayɛ.
101 Dimi tonaka nkɛndakɛnda lo mboka ka kɔlɔ tshɛ,+
Dia dimi namaka ɔtɛkɛta ayɛ.
102 Dimi haatakɔ dombwelo diayɛ,
Nɛ dia wɛ akambetsha.
103 Ande mpɛ kele ɛtɛkɛta ayɛ lo lolemi lami lee!
Ndeka osanga l’onyɔ ami!+
104 Oma lo wadjango ayɛ dimi salaka akambo la yimba.+
Diakɔ diahetshami mboka tshɛ ka kashi.+
נ [Nun]
105 Ɔtɛkɛta ayɛ wekɔ tala lo ekolo ami,
Ndo osase lo mboka kami.+
106 Dimi lakatshibe ndo layokotsha etshibelo kakɔ,
Dia ndjela dombwelo diayɛ dia losembwe.
107 Dimi lakasoyama efula.+
Jehowa le, ontshike la lɔsɛnɔ lo ndjela ɔtɛkɛta ayɛ.+
108 Jehowa le, lam’alangayɛ ɔngɛnɛngɛnɛ weshasha ami wa la lolango wa lotombo,*+
Ndo ombetsha dombwelo diayɛ.+
110 Akanga wa kɔlɔ wambomamba djonga,
Koko dimi haatakɔ wadjango ayɛ.+
112 Dimi lakɔshi yɛdikɔ* ya kitanyiyaka wadjango ayɛ
Tena tshɛ, polo l’ekomelo.
ס [Samek]
115 Nyu anto wa kɔlɔ nyangane oma lalemi,+
Dia dimi nkitanyiya ɛlɛmbɛ wa Nzambi kami.
Dia dimi ntetemala nsɛna;
118 Wɛ sɛkaka wanɛ tshɛ watakɔ wadjango ayɛ,+
Nɛ dia vɔ wekɔ kashi ndo lokeso.
119 Wɛ mbikashaka akanga wa kɔlɔ tshɛ wa la nkɛtɛ wate kana oko vɔ+ wekɔ afumbu w’anyanya.
Diakɔ dialangami waohwelo ayɛ.
120 Wɔma ayɛ satshaka demba* diami lokomba;
Dimi mbokaka dombwelo diayɛ wɔma.
ע [Ayin]
121 Dimi lakasale kɛnɛ kosembwe ndo kele ɔlɔlɔ.
Tonkimɔke le wanɛ wampɛnyahɛnya!
122 Shikikɛ okambi ayɛ dia nde ayonga la ɔngɛnɔngɛnɔ;
Akanga w’etako watɔmpɛnyahɛnyake.
125 Dimi lekɔ okambi ayɛ; ombisha yimba,+
Dia dimi mbeya waohwelo ayɛ.
126 Etena kambokoka ka Jehowa nsala dui dimɔtshi,+
Nɛ dia vɔ wakɔnyɔla ɛlɛmbɛ ayɛ.
128 Ɔnkɔnɛ, dimi mbɔsaka wetshelo* tshɛ w’oma le yɛ dia wekɔ ɔlɔlɔ;+
Dimi petshaka mboka tshɛ ka kashi.+
פ [Pe]
129 Waohwelo ayɛ wekɔ diambo efula.
Diakɔ diaakitanyiyami.*
131 Dimi mbasɛka onyɔ ami ndo kitshakitshaka lomu,
Nɛ dia dimi ngɛnangɛnaka ɛlɛmbɛ ayɛ.+
134 Ombitsha* oma le anto wampɛnyahɛnya,
Ndo dimi layolama wadjango ayɛ.
136 Asɔyi kɛlaka oma lo washo ami
Nɛ dia anto hawokitanyiya ɛlɛmbɛ ayɛ.+
צ [Tsade]
138 Waohwelo washayɛ wekɔ osembɔki
Ndo sunganaka mbɛkɛ otema tshɛ lo tshɛ.
139 Ohetoheto ami tshumbakami,+
Nɛ dia andɔshi ami wambohɛ ɛtɛkɛta ayɛ.
141 Dimi lekɔ onto l’anyanya ndo ɔmɔnywami;+
Koko dimi halohɛ wadjango ayɛ.
143 Kaanga mbankomɛ asui la ekakatanu,
Dimi tetemalaka monga la nsaki k’efula ka ɛlɛmbɛ ayɛ.
144 Losembwe la waohwelo ayɛ lekɔ la pondjo.
Ombisha yimba,+ dia dimi ntetemala nsɛna.
ק [Kof]
145 Dimi mbelɛka la otema ami tshɛ. Jehowa le, onkadimole.
Dimi layokitanyiyaka wadjango ayɛ.
146 Dimi lekɔ lo keelɛ;* onshimbee!
Dimi layolama waohwelo ayɛ.
147 Dimi memɔka la ntondo ka wonya mpotɔ* dia nyanga ekimanyielo,+
Nɛ dia ɛtɛkɛta ayɛ mbele elongamelo kami.*
149 Ohokame dui diami l’ɔtɛ wa ngandji kayɛ ka kɔlamelo.+
Jehowa le, ontshike la lɔsɛnɔ lo ndjela losembwe layɛ.
150 Wanɛ wayasha lo lɔkɛwɔ la nsɔnyi* ndjaaka suke;
Vɔ mangana etale la ɛlɛmbɛ ayɛ.
152 Ambeta edja, dimi lakeke awui wendana la waohwelo ayɛ,
Dia wɛ akaashikikadia dia vɔ ntshikala pondjo.+
ר [Resh]
153 Enda asui ami ndo ombitsha,+
Nɛ dia dimi hambohe ɛlɛmbɛ ayɛ.
155 Panda mangana etale la akanga wa kɔlɔ,
Nɛ dia vɔ konyanga wadjango ayɛ.+
156 Jehowa le,+ kɛtshi kayɛ kekɔ woke.
Ontshike la lɔsɛnɔ lo yoho yɔtɔnɛ la losembwe layɛ.
157 Wanɛ wampɛnyahɛnya ndo andɔshi ami wekɔ efula;+
Koko dimi hatakwe waohwelo ayɛ.
158 Dimi mendaka akanga wa lokeso la lohetsho tshɛ,
Nɛ dia vɔ hawoyele ɛtɛkɛta ayɛ.+
159 Ohenda woho walangami wadjango ayɛ!
Jehowa le, ontshike la lɔsɛnɔ l’ɔtɛ wa ngandji kayɛ ka kɔlamelo.+
160 Tshondo y’ɔtɛkɛta ayɛ wekɔ mɛtɛ,+
Ndo dombwelo diayɛ dia losembwe tshɛ tshikalaka pondjo.
ש [Sin] kana [Shin]
162 Dimi ngɛnangɛnaka ɛtɛkɛta ayɛ+
Oko onto lambotana diangɔ dia dimbo efula.
164 Dimi kotombolaka mbala 7 lo lushi
L’ɔtɛ wa dombwelo diayɛ dia losembwe.
166 Dimi lekɔ lo nongamɛ etsha ayɛ wa panda, wɛ Jehowa,
Ndo dimi kitanyiyaka ɛlɛmbɛ ayɛ.
168 Dimi kitanyiyaka wadjango ayɛ ndo waohwelo ayɛ,
Nɛ dia wɛ mbeyaka kɛnɛ tshɛ kasalami.+
ת [Taw]
169 Jehowa le,+ delo diayangami ekimanyielo diakome le yɛ.
Lo ndjela ɔtɛkɛta ayɛ, onkimanyiya dia dimi nshihodia.+
170 Dɔmbɛlɔ diami dia mbokama kɛtshi diakome la ntondo kayɛ.
Onshimbee oko wakaya lake.*
171 Ɛlɔmɔ ami wafukɔfukɔ la lotombo,+
Nɛ dia wɛ mbetshakami wadjango ayɛ.
172 Lolemi lami lembe dikambo di’ɛtɛkɛta ayɛ,+
Nɛ dia ɛlɛmbɛ ayɛ tshɛ wekɔ losembwe.
174 Jehowa le, dimi kombolaka panda kayɛ,
Ndo dimi lekɔ la nsaki k’efula ka ɛlɛmbɛ ayɛ.+