1 Kɔrɛtɔ

13 Oyadi dimi kɔtɛkɛtaka lo ɛtɛkɛta w’anto ndo w’andjelo, ko dimi bu la ngandji, kete lekɔ oko elondja katetshiya kana oko dinyandja diasakanyawɔ nga nga. 2 Dimi kongaka la losha la mbuta prɔfɛsiya, dimi koshihodiaka toseke t’ekila tshɛ ndo ewo tshɛ,+ ndo dimi kongaka la mbetawɔ tshɛ kakoka nsɛkɔla akona, ko dimi bu la ngandji, kete dimi lekɔ anyanya.*+ 3 Dimi kokimɔka diangɔ diami tshɛ dia ndesha anto akina+ ndo dimi kokimɔka demba diami dia dimi ndjafuna, ko dimi bu la ngandji,+ kete ndooko wahɔ wakondjami.

4 Ngandji+ ekɔ la solo dia lotutsha+ ndo ɔlɔlɔ.+ Ngandji bu la kandjema.+ Tɔ hayasɛmɛ, hayadiya,+ 5 hasale akambo lo yoho ya fumbɔ nsɔnyi,*+ hayange wahɔ ande hita,+ hoke nkɛlɛ esadi.+ Tɔ hadia akambo wa kɔlɔ wosalɛwɔ.+ 6 Tɔ hangɛnangɛna lo akambo wa kɔlɔ,+ koko ngɛnangɛnaka lo mɛtɛ. 7 Tɔ kukumɛka akambo tshɛ,+ mbetawɔka akambo tshɛ,+ nongamɛka akambo tshɛ,+ mbikikɛka akambo tshɛ.+

8 Ngandji hakomɛ pondjo. Koko oyadi losha la mbuta prɔfɛsiya, lɔ layoshila. Oyadi losha la ntɛkɛta l’ɛtɛkɛta ekina,* lɔ layokomɛ. Oyadi ewo, tɔ kayoshila. 9 Nɛ dia sho mbeyaka paka yema tsho+ ndo sho mbutaka prɔfɛsiya paka yema tsho, 10 koko lam’ayokoma kɛnɛ kele kokele, kɛnɛ kele yema tsho kayokomɛ. 11 Lam’akimi dikɛnda, dimi lakatɛkɛtaka oko dikɛnda, lakakanyiyaka oko dikɛnda ndo lakɛnaka akambo oko dikɛnda. Koko etena kɛnɛ kayami opalanga, lambotshika akambo wa dikɛnda. 12 L’etena kɛnɛ, tekɔ lo mɛna etshingitshingi lo tshimbo ya talatala ka lowolo, koko l’etena kɛsɔ ayonga elungi lo elungi. L’etena kɛnɛ, dimi mbeyaka paka yema tsho, koko l’etena kɛsɔ, dimi layeya akambo dimɛna dimɛna* oko weyamami dimɛna dimɛna. 13 Koko kakianɛ, ambotshikala akambo 3: Mbetawɔ, elongamelo la ngandji. Koko kɛnɛ koleki woke l’atei awɔ ko ngandji.+