Esambo
118 Nyosha Jehowa losaka, nɛ dia nde ekɔ ɔlɔlɔ;+
Ngandji kande ka kɔlamelo tshikalaka pondjo.
2 Isariyɛlɛ ate kakianɛ ate:
“Ngandji kande ka kɔlamelo tshikalaka pondjo.”
3 Ase luudu la Arɔna wate vate:
“Ngandji kande ka kɔlamelo tshikalaka pondjo.”
4 Wanɛ woka Jehowa wɔma wate vate:
“Ngandji kande ka kɔlamelo tshikalaka pondjo.”
6 Jehowa ekɔ lo wedi ami; dimi hantoka wɔma.+
Kakɔna kakoka onto sa lɛmi?+
8 Ndeka dimɛna ndjashɛ le Jehowa
Lo dihole dia ndjaɛkɛ le anto.+
9 Ndeka dimɛna ndjashɛ le Jehowa
Lo dihole dia ndjaɛkɛ le ewandji.+
11 Vɔ wakanyinge, eelo, dimi lakadingama djwɛ,
Koko lo lokombo la Jehowa,
Dimi lakawatshanya.
12 Vɔ wakanyinge oko ndjwe,
Koko vɔ wakadimala esadi eto oko dja y’atɛndɛ.
Lo lokombo la Jehowa,
Dimi lakawatshanya.+
13 Wakansokola wolo* dia kɔshami,
Koko Jehowa akankimanyiya.
14 Jah kele hiombo yami ndo wolo ami,
Nde kaya panda kami.+
15 Londjo l’ɔngɛnɔngɛnɔ ndo la panda*
Lekɔ lo mvudu y’apɛma y’anto w’ɛlɔlɔ.
Lonya l’omi la Jehowa lekɔ lo mɛnya wolo alɔ.+
16 Lonya l’omi la Jehowa lekɔ lo ndjadiya lɔamɛ;
Lonya l’omi la Jehowa lekɔ lo mɛnya wolo alɔ.+
17 Dimi hantovɔ, keema, dimi layɔsɛna,
Dia mbewoyaka akambo wa Jah.+
19 Nyondjiholee asoko wa losembwe;+
Dimi layɔtɔ lɔkɔ ndo layotombola Jah.
20 Ɔnɛ ekɔ soko dia Jehowa.
Anto w’ɛlɔlɔ wayɔtɔ lɔkɔ.+
21 Dimi layokotombola, nɛ dia wɛ akankadimola+
Ndo wɛ akayala panda kami.
24 Ɔnɛ ekɔ lushi lakasale Jehowa;
Sho tayonga l’ɔlɔ ndo tayɔngɛnangɛna lo lushi lakɔ.
25 Jehowa le, otoshimbee, lam’alangayɛ, tambokɔsɛngasɛnga!
Jehowa le, lam’alangayɛ otosha otshumba!
26 Ɔnɛ layaye lo lokombo la Jehowa+ atshɔkwame;
Tambonyɔtshɔkɔla oma lo luudu la Jehowa.
27 Jehowa kele Nzambi;
Nde toshaka osase.+
Nyɔtɔ l’ɔnɔngɔ wa lokidi l’anto watatshu lo fɛtɛ la avundja l’anya,+
Polo lo nseke ya lo elambwelo kayɛ.+
28 Wɛ kele Nzambi kami, ndo dimi layokotombola;
Nzambi kami le, dimi layokodiya.+