Esambo

83 Nzambi le, tɔlamake;+

Totshikalake ki* ndo tɔlamake, wɛ Kanga Lozambi.

 2 Nɛ dia, eenda, atunyi ayɛ wekɔ lo mfusɔfusɔ;+

Wanɛ wakohetsha wekɔ lo nsala akambo la lotamanya tshɛ.*

 3 La mayɛlɛ tshɛ, vɔ kongɛka lo woshɛshɛ dia ndɔsha anto ayɛ;

Vɔ mbɔtwɛka anto wɔsayɛ la nɛmɔ* sheke.

 4 Vɔ mbutaka vate: “Nyoye taashile oshiki, wodja w’otondo+

Diaha lokombo l’Isariyɛlɛ mbohɔma nto.”

 5 Vɔ kongɛka yoho ya nsala akambo lo kaamɛ;*

Vɔ wambodja sheke* dia kɔlɔsha.+

 6 Ase Ɛdɔmɛ* ndo aseka Ishimaɛlɛ, Mɔaba+ ndo aseka Hangirɛ,+

 7 Ngɛbala, Amɔna+ ndo Amalɛka,

Filistiya+ kaamɛ l’ase Tura.+

 8 Ndo Asuriya+ ambosangana kaamɛ la wɔ;

Vɔ wambosukɛ* ana wa Lɔta.*+ (Sela)

 9 Salɛwɔ oko wakayasalɛ Midiyana,+

Oko wakayasalɛ Sisɛra ndo Jabina suke la ɔkɛdi wa Kishɔna.+

10 Vɔ wakashilama oshiki la Ɛnɛ-Dɔra;+

Vɔ wakayala ɛtɛtɔ dikambo dia nkɛtɛ.

11 Etɛ ɛlɔhɛ awɔ oko Ɔrɛbɛ ndo Zɛbɛ+

Ewandji* awɔ oko Zeba ndo Zalamuna,+

12 Nɛ dia vɔ wakate vate: “Nyɛsɔ tɔshi wodja wa lɛnɛ adjasɛ Nzambi.”

13 Nzambi le, etɛwɔ oko diyo di’atɛndɛ diamboma diɛmbama la lɔpɛpɛ,*+

Oko lɔsɔdu lɛmbama la lɔpɛpɛ.

14 Oko dja yatshumba okonda,

Oko loombe la dja lalongoya akona,+

15 Ɔnkɔnɛ, wɛ mbeyaka mbatshanya la lɔhɛlɛdi layɛ la wolo+

Ndo mbaotsha wɔma la lɔpɛpɛ layɛ la wolo.+

16 Okombe* dungi diawɔ la diɔnyɔ,

Dia vɔ mbeya nyanga lokombo layɛ, wɛ Jehowa.

17 Vɔ washamake nsɔnyi ndo wokiyamake wɔma pondjo pondjo;

Vɔ walɔmbɔ ndo walanyeme;

18 Anto weye dia wɛ, lele lokombo layɛ Jehowa,+

Wɛmɛ kele Ɔnɛ-Laheme-Tshɛ lo nkɛtɛ k’otondo.+