Esambo

65 Nzambi le, lotombo lekɔ lo kokonga lo Siɔna;+

Tayokotsha alɔkɔlɔkɔ aso le yɛ.+

 3 Munga yami yambonkonya ewo,+

Koko wɛ kombaka kɔlɔ yaso.+

 4 Ɔngɛnɔngɛnɔ le ɔnɛ lasɔnayɛ ndo lelayɛ suke

Dia mbidjasɛ lo asɛkɛ ayɛ.+

Sho tayɔngɛnangɛnaka la diangɔ di’ɛlɔlɔ dia lo luudu layɛ,+

Tɛmpɛlɔ kayɛ k’ekila.*+

 5 Wɛ ayotokadimola la etsha wa losembwe wa diambo efula,+

Wɛ Nzambi ka panda kaso;

Wɛ kele Wɛkamu wa tokoma tshɛ ta nkɛtɛ+

Ndo wa wanɛ wele etale la wedi wa ndjale.

 6 Wɛ* akashikikɛ akona nge la wolo ayɛ;

Wɛ* ndɔtshama la wolo.+

 7 Wɛ* mbɔladiaka ndjale yambɔmbɔ,+

Pedu k’asuku ayɔ ndo lofunguso la wedja.+

 8 Wanɛ wodjashi lo ahole wa tale wayondama la wɔma l’ɔtɛ wa tolembetelo tayɛ;+

Wɛ ayosala dia wanɛ w’oma l’ehotwelo ka wonya polo l’edjelo ka wonya mbida ekoko w’ɔngɛnɔngɛnɔ.

 9 Wɛ kokɛka nkɛtɛ,

Lo ndjietɛ ɛtɛtɔ k’efula* ndo ɔngɔnyi w’efula.+

Ɔkɛdi w’oma le Nzambi ndola tɔɔ la ashi;

Wɛ mbashaka mbo ya ndɛ,+

Nɛ dia ngasɔ kakayalɔngɔsɔla nkɛtɛ.

10 Wɛ ndɔyaka emunda ayɔ ndo mbɛdinyaka nkɛtɛ yayɔ;

Wɛ ndjilɛndjalɛndjaka la viulavula; wɛ tshɔkɔlaka diangɔ diatomba lɔkɔ.+

11 Wɛ akalɛngɛ ɔnɔnyi la ɔlɔlɔ ayɛ;

Ɛsɛsɛ ayɛ fukɔfukɔka la lokema la diangɔ.*+

12 Ahole wa l’oswe wa ndesha dongalonga wekɔ lo fukɔfukɔ,*+

Ndo tokonakona ndɔtshama la ɔngɛnɔngɛnɔ.+

13 Ahole wa ndeshaka dongalonga ndolanɛ la dongalonga,

Ndo ekidi* ndolanɛ la ntɔngɔ.+