Esambo
78 Anto ami le, nyohokame ɛlɛmbɛ* ami;
Nyohokɛ toyi dianyu lo ɛtɛkɛta wa l’onyɔ ami.
2 Dimi layofola onyɔ ami la yokedi.
Dimi layota ɔkɛla w’edjedja.+
3 Akambo wakatoke ndo wakateye,
Wakatɔkɔndɔlɛ washɛso,+
4 Hatotowashɛ anawɔ;
Tayɔkɔndɔlɛ lɔlɔnga layaye+
Etsha wa Jehowa wakoka tombɔma ndo wolo ande,+
Akambo wa diambo wamondosala.+
5 Nde akashikikɛ diohwelo lo Jakɔbɔ
Ndo akadje ɔlɛmbɛ lo Isariyɛlɛ;
Nde akadjangɛ watshɛso
Dia mbewoya awui anɛ le anawɔ,+
6 Kele lɔlɔnga layela,
Ana wahaatotɔ kawowaeye.+
Vɔ lawɔ kawaakɔndɔlɛ anawɔ.+
7 Ko vɔ wayoyaɛkɛ le Nzambi.
8 Ko vɔ hawotonga oko watshɛwɔ,
Lɔlɔnga l’ɛtɛ wolo ndo l’atɔmbɔki,+
Lɔlɔnga laki la etema wayɛkayɛka*+
Wanɛ wele yimba yawɔ komonga la kɔlamelo le Nzambi.
9 Aseka Efrayimɛ waki la ota,
Koko vɔ wakakalola ɛkɔngɔkɔngɔ lushi la ta.
12 Nde akasale akambo wa diambo lo washo wa watshɛwɔ,+
Lo wodja w’Edjibito, lo ɛtshi ka nkɛtɛ ka Zɔana.+
14 Nde akaalɔmbɔla la dinge la yanyi
Ndo otsho w’otondo la osase wa dja.+
15 Nde akaate ave l’oswe wa shɛnga,
Nde akaanɔsha ashi wakalole tɔɔ lɔkɔ oko oma l’ashi wa dingunda.+
16 Nde akatondja tɔkɛdikɛdi oma lo dive
Ndo akasale dia ashi kɛlanɛ oko ɛkɛdi.+
17 Koko vɔ wakatetemala mbosalɛ pɛkato
Lo tɔmbɔkwɛ Ɔnɛ-Laheme-Tshɛ lo oswe wa shɛnga;+
18 Vɔ wakadje Nzambi tɔfwɛfwɛ* lo etema awɔ+
Lo nɔmba mbo ya ndɛ yakawakombolaka.*
19 Ɔnkɔnɛ, vɔ wakatɛkɛta kɔlɔ lo dikambo dia Nzambi,
Wata vate: “Onde Nzambi koka mbala mɛsa lo oswe wa shɛnga?”+
20 Eenda, nde akakɔmɔla dive
Ko ashi wakakɛlɛ ndo tɔkɛdikɛdi takambɔmbɔ.+
“Onde nde koka tosha ndo mapa,
Kana onde nde koka mbisha anto ande onatshi?”+
21 Lam’akawaoke Jehowa, nde akomala efula;+
Dja+ yakahɛtɛɛ Jakɔbɔ,
Ndo nkɛlɛ kande kakalombalombɛ Isariyɛlɛ+
22 Nɛ dia vɔ komonga la mbetawɔ le Nzambi;+
Vɔ kondjaɛkɛ lo dikoka diande dia mbashimbɛ.
23 Ko nde akadjangɛ olongo wa la diko wele la wange,
Ndo nde akadihola nkuke y’olongo.
24 Nde akaakɔshɛɛka mana oko mvula dia vɔ ndɛ;
Nde akawasha ntɔngɔ ya l’olongo.+
26 Nde akafufe lɔpɛpɛ l’oma lo ɛstɛ l’olongo
Ndo la wolo ande, nde akasale dia lɔpɛpɛ l’oma lo sidɛ mpɛpa.+
27 Nde akaakɔshɛ onatshi oko ditshu,
Tofudu oko lɔkɔngɔ la l’omamu wa ndjale.
28 Nde akatikɔshaka l’atei wa mpango kande,
Dinga mvudu yande y’apɛma tshɛ.
29 Ko vɔ wakale ndo wakalote akundju tɔɔ;
Nde akawasha kɛnɛ kakawakombolaka.+
30 Koko la ntondo ka vɔ mondoya nsaki kawɔ tshɛ lo tshɛ,
Etena kaki mbo ya ndɛ yawɔ yeke l’enyɔ awɔ,
31 Odudu wa Nzambi wakaalombɛlombɛ.+
Nde akadiake apami awɔ woleki wolo;+
Nde akakɔsha ɛlɔngɔlɔngɔ wa l’Isariyɛlɛ.
32 Kaanga mbakidiɔ ngasɔ, vɔ wakanyomoleka nsala pɛkato+
Ndo vɔ komonga la mbetawɔ lo akambo ande wa diambo.+
33 Ɔnkɔnɛ, nde akakomiya nshi yawɔ oko loowe l’anyanya,+
Ndo ɛnɔnyi awɔ la wɔma wa shashimoya.
34 Koko mbala tshɛ kakandaadiakaka, vɔ wakooyangaka;+
Vɔ wakakalolaka ndo wakayangaka Nzambi,
35 Wohɔ dia Nzambi kaki Dive diawɔ+
36 Koko vɔ wakayangaka dia mbokesa la enyɔ awɔ
Ndo wakawotɛ kashi la nemi yawɔ.
Tena la tena nde akatutshaka nkɛlɛ kande+
Lo dihole dia ntshutshuya odudu ande tshɛ.
42 Vɔ kombohɔ wolo* ande,
Lushi lakandaatshungola* oma le ɔndɔshi,+
43 Woho wakandɛnya tolembetelo tande l’Edjibito+
La ahindo ande lo ɛtshi ka nkɛtɛ ka Zɔana,
44 Ndo woho wakandakadimola ashi wa Nilɛ wakawɛtɔya dikila+
Ko vɔ kokoka nnɔ ashi w’oma lo ɛkɛdi awɔ.
46 Nde akakimɔ edo awɔ le akata w’ɛndjɔ wa kɔlɔ,
Elowa w’oma l’olimu awɔ wa wolo le elui w’akata w’ɛndjɔ.+
47 Nde akalanya ɛkɔdi awɔ wa vinyɔ la mbɔkɔ ya mvula+
Ndo esongo awɔ wa lokumu la ave wa mbɔkɔ ya mvula.
49 Nde akaatomɛ nkɛlɛ kande kadɔdɔ,
Odudu, yɛnyi ndo asui,
Olui w’andjelo wela mpokoso.
50 Nde akalɔngɔsɔlɛ nkɛlɛ kande mboka.
51 L’ekomelo, nde akadiake ɔna l’enondo tshɛ la l’Edjibito,+
Etatelo ka wolo awɔ wa diwutshi lo mvudu y’apɛma ya Hama.
52 Ko nde akatondja anto ande oko olui w’ɛkɔkɔ+
Ndo akaalɔmbɔla oko fudu k’enga l’oswe wa shɛnga.
55 Nde akatshanya wedja oma la ntondo kawɔ;+
Nde akaakahanya etenyi k’okitɔ la ɔkɔdi wa yɛdikɔ;+
Nde akadjashiya waoho w’Isariyɛlɛ lo ngelo yawɔ.+
56 Koko vɔ wakatetemala mbidja Nzambi Ɔnɛ-Laheme-Tshɛ tɔfwɛfwɛ,* ndo wakɔɔtɔmbɔkwɛ;+
Vɔ kombidja yimba lo waohwelo ande.+
57 Ndo nto, vɔ wakawooke ɔkɔngɔ ndo waki akanga wa lokeso oko watshɛwɔ.+
Vɔ waki anto wahakoke mbɛkɛ otema oko ota wambɔtɛwɔ.+
58 Vɔ wakatetemala mbookiya nkɛlɛ la ahole awɔ wa la diko,+
59 Nzambi akoke ndo akomala,+
Ko nde akatone Isariyɛlɛ tshɛ lo tshɛ.
61 Nde aketawɔ dia djembetelo ya wolo ande ntshɔ lo lɔhɔmbɔ;
Lɔnɛnɛ lande lo anya w’ɔndɔshi.+
62 Nde akakimɔ anto ande dia vɔ ndjakema la lokuwa la ta+
Ndo akomalɛ etenyi kande k’okitɔ.
63 Dja yakatshumbe ɛlɔngɔ ande w’apami,
Ndo esambo wa diwala komembama dikambo di’esekaseka ande wa dimuma.*
66 Ndo nde akakaloya andɔshi ande ɛkɔngɔkɔngɔ;+
Nde akawasha nsɔnyi ka pondjo.
67 Nde akatone luudu la dipɛma la Yɔsɛfu;
Nde kɔsɔna dioho dia Efrayimɛ.
69 Nde akasale dia tɛmpɛlɔ kande k’ekila ntshikala edja oko olongo,*+
Oko nkɛtɛ yakandashikikɛ pondjo pondjo.+