Esambo
DIBUKU DIA NƐI
(Osambo 90-106)
Dɔmbɛlɔ dia Mɔsɛ, okambi wa Nzambi ka mɛtɛ.+
90 Jehowa le, wɛ akayala edjaselo*+ kaso lo nɔnga tshɛ.
2 La ntondo k’akona mbotɔ
Kana ka wɛ ntondja* nkɛtɛ ndo andja,+
Oma ko mɔmbɔkɔmbɔla ndo pondjo pondjo, wɛ kele Nzambi.+
3 Wɛ kaloyaka onto okovɔ lo ditshu;
Wɛ mbutaka wate: “Nyokalole, nyu ana w’anto.”+
4 Nɛ dia ɛnɔnyi kinunu (1 000) lo washo ayɛ wekɔ oko loyi naka ambeta,+
Oko wenya engana eto wa l’otsho.
6 Diɔ mɔngaka la pindju ndo mongaka ashashi,
Koko la dikɔlɔ, diɔ nɛngɛka ndo momaka.+
7 Nɛ dia tambolongola la nkɛlɛ kayɛ+
Ndo tambotshama wɔma la odudu ayɛ.
Koko vɔ wambololanɛ la paa ndo la lɔkɔnyɔ;
Vɔ mbetaka esadi esadi, ko sho mfumbɔ.+
11 Akɔna akoka mbeya wolo wa nkɛlɛ kayɛ?
Odudu ayɛ wekɔ wolo oko wɔma wahombayɛ mbokama.+
12 Otetsha woho wa mbadia nshi yaso+
Dia sho monga la otema wa lomba.
13 Jehowa le, okalole!+ Polo l’etena kakɔna kayoviya dui nɛ?+
Ooke ekambi ayɛ kɛtshi.+
14 Otolotshake la ngandji kayɛ ka kɔlamelo+ la pindju,
Dia sho mbidaka ekoko w’ɔngɛnɔngɛnɔ ndo ngɛnangɛnaka+ nshi tshɛ ya lɔsɛnɔ laso.
15 Osale dia sho ngɛnangɛnaka lo yɛdikɔ yɛdimi la nshi yakayatosoya,+
Oko efula k’ɛnɔnyi wakatadiɛnɛ la mpokoso.+
16 Ekambi ayɛ wɛnyi olimu ayɛ,
Ndo anawɔ wɛnyi lɔnɛnɛ layɛ.+
17 Ɔlɔlɔ wa Jehowa Nzambi kaso wayale le so;
Ɔngɔnya* olimu w’anya aso.