Esambo
Osambo wa Wodelo. Wa Davidɛ.
122 Dimi lakangɛnangɛna lam’akawambutɛ vate:
“Totshu lo luudu la Jehowa.”+
2 Ndo wonya ɔnɛ ekolo aso memala
Lo asoko ayɛ, wɛ Jɛrusalɛma.+
3 Jɛrusalɛma mbikama oko osomba
Wokakatanyemi kaamɛ oko ɛngɔ ɔtɔi.+
4 Waoho wambodɛ otsha lɛkɔ,
Waoho wa Jah,*
Lo ndjela diohwelo le Isariyɛlɛ,
Dia mbisha lokombo la Jehowa losaka.+
6 Nyɔlɔmbɛ dia wɔladi wa Jɛrusalɛma.+
Osomba le, wanɛ wakolanga wayonga lo ekokelo.
7 Wɔladi watetemale monga lo mpele diayɛ di’ekokelo,
Lotui tshitshi lo totshoto tayɛ todingami la mpele.
8 L’ɔtɛ wa analengo ndo asekami, dimi layota nte:
“Wɔladi wayale l’etei kayɛ.”
9 L’ɔtɛ wa luudu la Jehowa Nzambi kaso,+
Dimi layoyanga ɔlɔlɔ dikambo diayɛ.