Ɛzɛkiyɛlɛ
2 Ko nde akambutɛ ate: “Ɔna onto,* emala lo ekolo ayɛ kele sawole la yɛ.”+ 2 Etena kakandatɛkɛtaka la mi, nyuma kakaye le mi ndo kakamemadja lo ekolo ami,+ ko dimi lakoke awui wa Ɔnɛ lakatɛkɛtaka la mi.
3 Nde akambutɛ ate: “Ɔna onto, dimi lambokotoma le ase Isariyɛlɛ,+ le wedja w’atɔmbɔki wakantɔmbɔkwɛ.+ Vɔ la watshɛwɔ wakansalɛ kɔlɔ polo ndo ɛlɔ.+ 4 Dimi lambokotoma le ana w’ohindodi* ndo w’etema wolo.+ Towate wate: ‘Ɔnkɔnɛ mbata Nkum’Olongo Nkumadiɔndjɔ Jehowa.’ 5 Lo dikambo diawɔ, oyadi vɔ mpokamɛ kana ntona dia mpokamɛ, nɛ dia vɔ wekɔ luudu la atɔmbɔki,+ vɔ wayeya mɛtɛ dia omvutshi ɔmɔtshi aki l’atei awɔ.+
6 “Koko wɛ ɔna onto, towaokake wɔma+ ndo tokake ɛtɛkɛta awɔ wɔma, kaanga mbodingamiyɛ la adungu ndo la atɛndɛ,*+ ndo kaanga mbodjashiyɛ l’atei wa nkoto. Tokake ɛtɛkɛta awɔ wɔma+ ndo todidimake l’ɔtɛ wa dungi diawɔ,+ nɛ dia vɔ wekɔ luudu la atɔmbɔki. 7 Wɛ pombaka mbatɛ ɛtɛkɛta ami, oyadi vɔ mpokamɛ kana bu, nɛ dia vɔ wekɔ atɔmbɔki.+
8 “Koko wɛ ɔna onto, hokamɛ kɛnɛ kakotɛmi. Toyalake ɔtɔmbɔki oko luudu lɔnɛ la atɔmbɔki. Fola onyɔ ayɛ kele lɛka kɛnɛ kayangami kosha.”+
9 Lam’akamende dimi lakɛnyi lonya losembwe oya le mi+ ndo dimi lakɛnyi wɔɔmbɔ wele la efundelo*+ lɔkɔ. 10 Lam’akandawɔmbɔla la ntondo kami, vɔ waki la efundelo wedi akɔ 2.+ Nkembo y’otanda,* alelo ndo ekoko wakafundama lɔkɔ.+