Esambo
Le ɔnɔmbɔdi. Ngɛngu ka Davidɛ.
140 Jehowa le, ombitsha oma le anto wa kɔlɔ;
Onkoke oma le anto wa ngala,+
2 Wanɛ wakongɛ tokanyi ta kɔlɔ lo etema awɔ+
Ndo watondja ta lushi l’otondo.
4 Jehowa le, onkoke oma lo anya w’akanga wa kɔlɔ;+
Oname oma le anto wa ngala,
Wanɛ wɔtɔ sheke dia kɔshami.
5 Akanga w’etako mbishɛka djonga dia mindami;
La ɛkɔdi, vɔ sandjolaka ɔtɛyi l’omamu wa mboka.+
Vɔ mambakami tolonga.+ (Sela)
6 Dimi mbutɛka Jehowa nte: “Wɛ kele Nzambi kami.
Jehowa le, ohokame ɔsɛngɔsɛngɔ wayangami ekimanyielo.”+
7 Nkum’Olongo Nkumadiɔndjɔ Jehowa, Oshimbedi ami wa wolo le,
Wɛ kombɛka ɔtɛ ami lushi la ta.+
8 Jehowa le, tokotshake nsaki ya kanga kɔlɔ.
Tetawɔke dia toseke tawɔ ntondoya, diaha vɔ mbidiyama.+ (Sela)
9 Ɛtɛ wa wanɛ wonyingi
Wakombame la kɔlɔ kakatɛkɛta ɛlɔmɔ awɔ.+
10 Akalanga wahɛta waakwɛ oko mvula.+
11 Omamanyishi atotanake dihole la nkɛtɛ.*+
Kɔlɔ kayele anto wa ngala ndo kawadiake.
12 Dimi mbeyaka dia Jehowa ayosambɛ ɔmɛnyi mfɔnu
Ndo ayosambolɛ ase wola la losembwe.+