Esambo
Le ɔnɔmbɔdi; kongɛma lo “Dɛmbɔlɛmbɔ dia Diohwelo.” Mikitama.* Wa Davidɛ. Dia mbetsha. Etena kakandalɔ la Arama-Naharayima ndo Arama-Zoba, ndo kakakalola Jɔaba ko todiaka ase Ɛdɔmɛ 12 000 lo Okidi wa Lɛɛhɔ.+
60 Nzambi le, wɛ akatokasha; wɛ akawɛdiawɛdia dikokelo diaso.+
Wɛ akatomalɛ; koko kakianɛ, etawɔ dia sho nkalola!
2 Wɛ akasutshasutsha nkɛtɛ; wɛ akayiate.
Lɔngɔsɔla ɛlɔngɛ ayɔ, nɛ dia yɔ yotakɔ.
3 Wɛ akasale dia anto ayɛ mpomana l’ekakatanu.
Wɛ akatɔnɔsha wanu wambosala dia sho ntshingatshinga.+
4 Osha* wanɛ wakooka wɔma djembetelo
Dia ndawɔ ndo mbewɔ ota. (Sela)
5 Dia wanɛ wokayɛ ngandji mbika,
Otoshimbee la lonya layɛ l’omi ndo otokadimole.+
6 Nzambi akatɛkɛta lo ekila kande* ate:
7 Ngiliyadɛ kami ketɔ, oko wele Manase,+
Ndo Efrayimɛ kele lofulɛ* dikambo dia ɔtɛ ami;
Juda kele danga diami dia nkumekanga.+
8 Mɔaba kele dɔnga diami dia woke dia solaka anya.+
Dimi layokɛɛ losabata lami lo Ɛdɔmɛ.+
Dimi layoda ekoko w’otshumba lo Filistiya.”+
9 Akɔna ayɔntɔla lo osomba wodingami?*
Akɔna ayɔnɔmbɔla polo lo Ɛdɔmɛ?+
10 Nzambi le, shi wɛ, ɔnɛ lakatokasha,
Wɛ Nzambi kaso kahayotshɔ kaamɛ l’asɔlayi aso?+
11 Otokimanyiya lo asui aso,
Nɛ dia panda k’oma le anto kekɔ anyanya.+