Esambo

67 Nzambi ayotooka kɛtshi ndo ayotɔtshɔkɔla;

Nde ayotɔhɛtshɛ elungi kande+ (Sela)

 2 Dia mboka kayɛ mbeyama lo nkɛtɛ k’otondo,+

Etsha ayɛ wa panda l’atei wa wedja tshɛ.+

 3 Nzambi le, anto wakotombole;

Anto tshɛ wakotombole.

 4 Wedja wangɛnɛngɛnɛ ndo wade ekoko w’ɔngɛnɔngɛnɔ,+

Nɛ dia wɛ ayolombosha anto la losembwe.+

 5 Nzambi le, anto wakotombole;

Anto tshɛ wakotombole.

 6 Nkɛtɛ yayɔngɔnya diangɔ;+

Nzambi, ɛɛ, Nzambi kaso ayotɔtshɔkɔla.+

 7 Nzambi ayotɔtshɔkɔla,

Ndo tokoma tshɛ ta nkɛtɛ tayowooka wɔma.*+