Esambo
Osambo. Ngɛngu k’anaw’apami wa Kɔra.+
48 Jehowa ekɔ woke ndo nde kahomba ndeka tombɔma
Lo osomba wa Nzambi kaso, lo dikona diande di’ekila.
2 Dimɛna lo wodiyamelo awɔ, ɔngɛnɔngɛnɔ wa nkɛtɛ k’otondo,+
Kele Dikona dia Siɔna etale lo nɔrdɛ,
Osomba wa Nkumekanga ka Woke.+
3 Lo totshoto tawɔ todingami la mpele,
Nzambi ambewoya dia nde ekɔ eshamelo k’oshika.+
4 Nɛ dia, eenda, nkumi ya dikanga wambosangana;*
Vɔ wambotshɔ kaamɛ otsha la ntondo.
5 Lam’akawawɛnyi, vɔ wakaambe.
Vɔ wakandama la sase ndo wakalawɔ la wɔma.
6 Lokomba lakawande lɛkɔ,
Paa kele oko ka womoto lele la lɔɔnɔ.
7 Wɛ dindjaka masuwa wa Tarashishi la lɔpɛpɛ l’oma lo ɛstɛ.
8 Kɛnɛ kakatoke, tambokiɛna wonya ɔnɛ shoamɛ
Lo osomba wa Jehowa kanga lolembelembe, lo osomba wa Nzambi kaso.
Nzambi ayowoshikikadia nge pondjo pondjo.+ (Sela)
9 Nzambi le, sho kanaka yimba la ngandji kayɛ ka kɔlamelo+
L’etei ka tɛmpɛlɔ kayɛ.
10 Nzambi le, oko lokombo layɛ, lotombo layɛ
Komaka polo lo tokoma ta nkɛtɛ.+
Lonya layɛ l’omi ndola tɔɔ la losembwe.+
12 Nyɔkɛndɛkɛndɛ l’otshimbedi wa Siɔna; nyoyitshimbe,
Nyadia totshoto tayɔ.+
13 Nyodje etema anyu lo ahole ayɔ w’ekokelo.*+
Nyɔsɛdingole totshoto tayɔ todingami la mpele,
Dia nyu ndjotɛ nɔnga yayaye awui wendana la yɔ.
14 Nɛ dia Nzambi kɛnɛ kele Nzambi+ kaso pondjo pondjo.