Esambo
Le ɔnɔmbɔdi. Wa ana w’apami wa Kɔra.+ Kongɛma lo Alamɔtɛ.* Osambo.
2 Diakɔ diele sho hatotoka wɔma, oyadi kaanga nkɛtɛ kayokadimɔ,
Oyadi kaanga akona wayɔsɛlɔ otsha lo angunda wa ndjale,+
3 Oyadi kaanga ashi awɔ wayodikita ndo wayotondja lofulo,+
Oyadi kaanga akona wayosukasuka l’ɔtɛ w’asuku awɔ. (Sela)
4 Ɔkɛdi ɔmɔtshi wekɔ wele la tɔkɔkɔ tangɛnyangɛnya osomba wa Nzambi,+
Tabɛrnaklɛ k’ekila ka diambo ka Ɔnɛ-Laheme-Tshɛ.
5 Nzambi ekɔ lo osomba+ akɔ; vɔ hawokoke nyukɔ.
Nzambi ayowokimanyiya la yosose.+
6 Wedja waki lo osukusuku, waolelo wakakɔ,
Nde akadiya dui diande, ko nkɛtɛ yakalɛlɔ.+
7 Jehowa kanga lolembelembe ekɔ kaamɛ la so;+
Nzambi ka Jakɔbɔ ekɔ eshamelo kaso k’oshika. (Sela)
8 Nyoye nyoyende etsha wa Jehowa,
Woho wamondosala akambo wa diambo la nkɛtɛ.
9 Nde ekɔ lo nkomiya ata lo nkɛtɛ k’otondo.+
Nde ambɔkɔla ota ndo ambohembola dikɔnga,
Nde ambotshumba pusupusu* y’asɔlayi lo dja.
10 “Nyotshike, ko nyayeya dia dimi kele Nzambi.