Esambo
Ngɛngu ka Davidɛ.
29 Nyosha Jehowa kɛnɛ kahombande nongola, nyu ana w’akanga wa wolo,
Nyosha Jehowa kɛnɛ kahombande nongola l’ɔtɛ wa lotombo ndo wolo+ ande.
2 Nyosha Jehowa lotombo lɛdimi la lokombo lande.
Nyokusamee* Jehowa, nyele la dɛngalɛnga di’ekila.*
3 Dui dia Jehowa diambokɛma laadiko di’ashi;
Nzambi ka lotombo ambokungola.+
Jehowa ekɔ laadiko di’ashi efula.+
4 Dui dia Jehowa diekɔ la wolo;+
Dui dia Jehowa diekɔ diambo.
5 Dui dia Jehowa pembolaka elondo;
Ɛɛ, Jehowa mbatshatshaka elondo wa la Lɛbanɔna.+
7 Dui dia Jehowa kɔmɔlaka la nyombe ya dja;+
8 Dui dia Jehowa didinyaka oswe;+
Jehowa didinyaka oswe wa Kadɛshɛ.+
9 Dui dia Jehowa salaka dia mpele didima ndo mbota
Ndo diɔ mbetɛka ekonda hwe.+
Ndo wanɛ tshɛ wele lo tɛmpɛlɔ kande mbutaka ɔnɛ: “Lotombo!”
10 Jehowa mbidjasɛ lo kiti kande laadiko di’ashi wambɔmbɔ;*+
Jehowa mbidjasɛ lo kiti kande oko nkumekanga pondjo pondjo.+
11 Jehowa ayosha anto ande+ wolo.
Jehowa ayɔtshɔkɔla anto ande la wɔladi.+