Esambo
Wa Davidɛ. Maskilɛ.*
32 Ɔngɛnɔngɛnɔ le ɔnɛ lele kɔlɔ kande kambodimanyiyama, ɔnɛ lele pɛkato kande kambokombama.*+
2 Ɔngɛnɔngɛnɔ le onto lele Jehowa hawɔshi dia nde ekɔ la onongo,+
Lele bu la lokeso lo tokanyi tande.
3 Etena kakamɔlama, weka ami wakome l’ɔtɛ w’akumu wakamakumaka lushi l’otondo.+
4 Nɛ dia otsho la yanyi lonya* layɛ laki wotsho le mi.+
Wolo ami wakafumbɔ oko ashi wamboma* la tanyi ta nshi y’ɔwɔ. (Sela)
5 L’ekomelo, dimi lakashola pɛkato kami le yɛ;
Dimi kokomba munga kami.+
Dimi lakate nte: “Dimi layoshola kɔlɔ yami le Jehowa.”+
Ko wɛ akadimanyiya munga ndo pɛkato yami.+ (Sela)
Ko kaanga dola di’ashi hadiotokoma le nde.
7 Wɛ ekɔ dihole di’ekokelo le mi;
Wɛ ayonkokɛ oma lo sui.+
Wɛ ayoninga la ekoko w’ɔngɛnɔngɛnɔ wa etshungwelo.+ (Sela)
8 “Dimi layokosha shɛnɔdi ndo layokɛnya mboka kahombayɛ ntshɔ.+
Dimi layokolakaka ndo layokookaka sso.+
9 Toyalake oko mfalasa kana oko mfalo kaha la yimba,+
Kahekiyama katowɔlɔmbɔlaka la ɛkɔdi wakikelekawɔ lo onyɔ ndo l’ɔtɛ
La ntondo ka tɔ nsukana la yɛ.”
10 Paa ya kanga kɔlɔ yekɔ efula;
Koko ɔnɛ layaɛkɛ le Jehowa nyingama la ngandji Kande ka kɔlamelo.+
11 Nyɔngɛnɛngɛnɛ le Jehowa ndo nyonge la ɔlɔ, nyu anto w’ɛlɔlɔ;
Nyode ekoko w’ɔngɛnɔngɛnɔ, nyu wanɛ tshɛ wele la etema wosembwe.