Tokedi
24 Tɔkɔmiyake anto wa kɔlɔ,
Ndo tokombolake monga l’ɔnɔngɔ awɔ,+
2 Nɛ dia etema awɔ kanaka yimba lo awui wa ngala,
Ndo ɛlɔmɔ awɔ tɛkɛtaka dia salɛ anto akina kɔlɔ.
4 Oma lo ewo mbatololaka mvudu yalɔ ya l’etei
La weho tshɛ wa diangɔ dia nɛmɔ di’oshinga wolo ndo di’amɛna.+
5 Kanga lomba ekɔ la wolo,+
Ndo la ewo mbafudia onto wolo ande.
7 Lomba la mɛtɛ halokoke tanema le kanga enginya;+
Nde ndooko la dui dia mbuta la soko di’osomba.
8 Onto tshɛ lɔtɔ sheke dia ntsha kɔlɔ
Ayelamɛ owandji wa wanɛ wɔtɔ toseke.+
10 Naka wɛ ambɔkɔmɔ lo lushi la paa,*
Kete wolo ayɛ wayokitakita.
11 Tshungola wanɛ watatɔlama otsha lo nyɔi,
Ndo kaloya wanɛ watatshingatshinga otsha la todiakema.+
12 Naka wɛ mbuta wate: “Sho kombeyaka dui nɛ,”
Onde Ɔnɛ lasɛdingola etema* dieyaka?+
13 Ɔnami, lɛka osanga, nɛ dia vɔ wekɔ ɔlɔlɔ;
Osanga w’oma lo ehehe wekɔ mpɛ l’onyɔ.
14 Woho akɔ waamɛ mbele, eya dia lomba lekɔ ɔlɔlɔ le yɛ.*+
Naka wɛ litana, kete wɛ ayonga la nshi yayaye
Ndo elongamelo kayɛ hatoshishɔ.+
15 Toholamake lo yoho ya kɔlɔ suke la luudu la onto ɔlɔlɔ;
Tolanyake dihole diande dia diomuyelo.
16 Nɛ dia onto ɔlɔlɔ mbeyaka nkɔ mbala 7, ko nde ayetɔ nto,+
Koko akanga wa kɔlɔ wayotakana l’ɔtɛ wa mpokoso.+
17 Naka otunyi ayɛ ambɔkɔ, tɔngɛnangɛnake,
Ndo naka nde ambotakana, tetawɔke dia otema ayɛ monga la ɔlɔ;+
18 Nɛ dia Jehowa ayɛna dui sɔ, ko nde hatɔngɛnangɛna,
19 Totshimbake wɔɔngɔ* l’ɔtɛ w’anto wa kɔlɔ;
Tɔkɔmiyake akanga wa kɔlɔ,
20 Nɛ dia ndooko onto la kɔlɔ+ lalongamɛ nshi yayaye;
Tala dia akanga wa kɔlɔ diayodimala.+
21 Ɔnami, onga la wɔma wa Jehowa ndo nkumekanga.+
Akɔna eya elanyelo kayowayɛ+ oma le wɔ vɔ akɔ ahende?*
23 Ɛtɛkɛta ɛnɛ nto wekɔ wa kanga lomba:
Shɔnɔdi lo kilombo keema dimɛna.+
24 Onto tshɛ latɛ kanga kɔlɔ ate: “Wɛ ekɔ onto ɔlɔlɔ,”+
Ayodjama mananu oma le anto ndo wedja wayowɔsɔngwɛ.
26 Anto wayosha ɛlɔmɔ w’onto lakadimola la losembwe bizɛ.*+
27 Lɔngɔsɔla olimu ayɛ wa l’andja ndo lɔngɔsɔla ɛngɔ tshɛ ka lo ekambɔ;
Oma laasɔ koyoke luudu layɛ.*
28 Totake dikambo dia wonyayɛ diele bu shikaa.+
Tokambake la ɛlɔmɔ ayɛ dia nkesa anto akina.+
29 Totake wate: “Dimi layowosalɛ oko wakandasalɛ;
Dimi layowɔsɔmbɔya l’ɔtɛ wa kɛnɛ kakandasale.”+
30 Dimi lakete suke la ekambɔ ka kanga nɛndɛ,+
Suke la ekambɔ ka vinyɔ ka onto lele bu la ekanelo k’ɔlɔlɔ.*
31 Dimi lakɛnyi dia tɔ kakalole tɔɔ la adiyo;
Nkɛtɛ yakakombama la adungu,
Ndo ehele katɔ k’ave kakanyukɔ.+
32 Dimi lakasɛdingola dui sɔ ndo lakadilame lo otema;
Dimi lakadiɛnyi ko lakakondja wetshelo ɔnɛ:*
33 Yema ya djɔ, yema y’ɔtɔkɔkalo,
Yema ya nkɔma anya dia momuya,
34 Ko wola wayokoyɛ oko elengalenga,
Ndo ehomba ayɛ oko pami+ kele la dihomɔ dia ta.