Esambo
Ngɛngu k’Asafu.+
79 Nzambi le, wedja wambɔtwɛ etenyi kayɛ k’okitɔ;+
Vɔ wambodja tɛmpɛlɔ kayɛ k’ekila mindo;+
Vɔ wambetɛ Jɛrusalɛma tota di’elanyelo.+
2 Vɔ wambokimɔ edo w’ekambi ayɛ oko mbo ya ndɛ le tofudu ta l’olongo
Ndo emunyi w’ekambi ayɛ wa kɔlamelo le nyama ya ngala ya la nkɛtɛ.+
3 Vɔ wambotshola dikila diawɔ oko ashi l’otshimbedi wa Jɛrusalɛma,
Ndo ndooko lambotshikala dia mbakundɛ.+
4 Sho taya ɛngɔ ka lɔtɛngɔ le asukanyi aso;+
Wanɛ wotodingi wotɔnyɔla ndo wotɔla.
5 Jehowa le, polo l’etena kakɔna kayoyomala? Onde pondjo pondjo?+
Polo l’etena kakɔna kayɔhɛtahɛta nkɛlɛ kayɛ oko dja?+
7 Nɛ dia vɔ wambɔlɛ Jakɔbɔ
Ndo wambetɛ ngelo kande tɔngɔ to.+
8 Totɛndjake onongo wa munga ya watshɛso.+
Otɛnya kɛtshi kayɛ yema esadi,+
Nɛ dia sho tambokitshakitshama l’ɛse efula.
9 Nzambi ka panda kaso le,+ otokimanyiya,
L’ɔtɛ wa lokombo layɛ la lotombo;
Ototsha ndo otodimanyiya* pɛkato yaso l’ɔtɛ wa lokombo layɛ.+
10 Lande na kahomba wedja mbuta vate: “Lende ele Nzambi kawɔ?”+
Wedja weye lo washo aso
Dia dikila di’ekambi ayɛ diakakɛdiama diambɔsɔmbɔyama.+
11 Ooke woho wasekuma ose lokanu.+
Okambe la wolo ayɛ w’efula* dia nkokɛ* wanɛ wambowofundɛ nyɔi.*+