Esambo
Ngɛngu ka Davidɛ.
143 Jehowa le, ooke dɔmbɛlɔ diami;+
Ohokame ɔsɛngɔsɛngɔ wayangami ekimanyielo.
Onkadimole lo kɔlamelo yayɛ ndo lo losembwe layɛ.
2 Tɔtɔke lo kilombo kaamɛ la okambi ayɛ,
Nɛ dia ndooko onto lasɛna lakoka monga la losembwe la ntondo kayɛ.+
3 Nɛ dia otunyi ekɔ lo ndje lami;*
Nde ambominola lɔsɛnɔ lami lo nkɛtɛ.
Nde ambombidjashiya lo wodjima oko wanɛ wambovɔka.
5 Dimi mbohɔka nshi y’edjedja;
Dimi kanaka yimba lo kɛnɛ tshɛ kasalayɛ;+
Dimi kanyiyaka* dikambo dia olimu wa anya ayɛ.
8 Etawɔ dia dimi mpokamɛ ngandji kayɛ ka kɔlamelo la pindju,
Nɛ dia dimi ndjaɛkɛka le yɛ.
9 Jehowa le, ombitsha oma le atunyi ami.
Dimi lekɔ lo nyanga ekokelo kayɛ.+
10 Ombetsha dia nsala lolango layɛ,+
Nɛ dia wɛ kele Nzambi kami.
Nyuma kayɛ kekɔ ɔlɔlɔ;
Tɔ kanɔmbɔlɛ lo nkɛtɛ y’ebamubamu.*
11 Jehowa le, ontshike la lɔsɛnɔ l’ɔtɛ wa lokombo layɛ.