Esambo
71 Jehowa le, le yɛ kamomoyashɛ.
Tetawɔke pondjo dia dimi mbishama nsɔnyi.+
2 Lo losembwe layɛ, onshimbee ndo ombitsha.
Ohokɛ toyi diayɛ* le mi ndo onshimbee.+
3 Oyale dive dia eshamelo le mi
Lɛnɛ akokami mbɔtɔka tena tshɛ.
Odjange dia shimbɛmi,
Nɛ dia wɛ kele dive diami ndo longele lami.+
4 Nzambi kami le, ontshungole oma l’anya w’akanga wa kɔlɔ,+
Oma l’awambo w’ɔpɛnyɔdi wa kɔlɔ.
5 Nɛ dia Nkum’Olongo Nkumadiɔndjɔ Jehowa le, wɛ kele elongamelo kami;
6 Dimi lookendɛka le yɛ oma ko eotwelo;
Wɛ kakambɔshi oma l’otema wa mama.+
Lekɔ lo kotombola wonya tshɛ.
7 Dimi lambonga oko dihindo le anto efula,
Koko wɛ ekɔ eshamelo kami ka wolo.
8 Onyɔ ami wambolola la lotombo layɛ;+
Dimi lekɔ lo ntɛkɛta lushi l’otondo dikambo dia dimɛna diayɛ.
10 Atunyi ami wekɔ lo ntɛkɛta kɔlɔ lo dikambo diami,
Ndo wanɛ wayanga lɔsɛnɔ* lami wekɔ lo mbɔtwɛmi sheke kaamɛ,+
11 Wata vate: “Nzambi ambookalɛ.
Towotshanya kele towonde, nɛ dia ndooko onto looshimbɛ.”+
12 Nzambi le, tanganake etale la mi.
Nzambi kami le, samanya dia ndjonkimanyiya.+
Wanɛ wanyangɛ mpokoso
Walɔmbɔ ndo washame nsɔnyi.+
14 Koko le mi, dimi layotetemala kongɛɛ;
Layonyomoleka kotombola.
15 Onyɔ ami wayosanyaka dia losembwe layɛ,+
Lushi l’otondo dia etsha ayɛ wa panda,
16 Dimi layoya ndo layɔtɛkɛta dia etsha ayɛ wa wolo,
Wɛ Nkum’Olongo Nkumadiɔndjɔ Jehowa;
Dimi layɔtɛkɛta dia losembwe layɛ, ɛɛ, layɛ wɛmɛ.
17 Nzambi le, wɛ akambetsha oma ko dikɛnda diami,+
Ndo polo kakiye lekɔ lo ntetemala mbewoya akambo ayɛ wa diambo.+
18 Kaanga lam’ayomotshunda osombe ndo laya la ndjwe kasaa, Nzambi le, tonkalɛke.+
19 Nzambi le, losembwe layɛ lambokoma polo la diko;+
Wɛ akasale akambo wa weke;
Nzambi le, ele oko wɛ?+
20 Kaanga mbakayetawɔ dia dimi mpomana la asui ndo mpokoso efula,+
Ɔnsɛnya nto;
21 Ohamia woke woke ami
Kele onyinge ndo onsambe.
22 Ko dimi layokotombolaka la ehomahoma k’eshinga
L’ɔtɛ wa kɔlamelo yayɛ, wɛ Nzambi kami.+
Dimi layembaka esambo wa lotombo layɛ* la lɔsɛsɛ,
Wɛ l’Ekila la Isariyɛlɛ.
23 Ɛlɔmɔ ami wayodaka ekoko w’ɔngɛnɔngɛnɔ etena kakembɛmi esambo wa lotombo,+