Esambo
Lo dikambo dia Sɔlɔmɔna.
72 Nzambi le, osha nkumekanga dombwelo diayɛ,
Osha ɔna nkumekanga losembwe layɛ.+
2 Nde asambɛke anto ayɛ la losembwe,
Ndo tombolambola la sambo k’ɔlɔlɔ.+
3 Akona welake anto wɔladi,
Ndo tokonakona telake losembwe.
5 Vɔ wayokookaka wɔma edja tshɛ kayongaka wonya
Ndo edja tshɛ kayotshikalaka ngɔndɔ,
Lo lɔlɔnga la lɔlɔnga.+
6 Nde ayonga oko mvula kalɔ lo adiyo wohembodiwɔ,
Oko apɔpɔ wa mvula walɔya nkɛtɛ.+
9 Wanɛ wadjasɛ l’oswe wa shɛnga wayokusama la ntondo kande,
Ndo atunyi ande wayɔlɔmbɔla ditshu.+
10 Nkumi ya dikanga ya Tarashishi ndo ya l’asɛnga wayofuta elambo.+
Nkumi ya dikanga ya Shɛba ndo ya Sɛba wayoya la weshasha.+
11 Nkumi ya dikanga tshɛ wayokusama la ntondo kande,
Ndo wedja tshɛ wayowokambɛka olimu.
12 Nɛ dia nde ayotsha ose wola layanga ekimanyielo,
Ndo mbolambola la ɔnɛ tshɛ laha l’okimanyedi.
13 Nde ayoka mbolambola ndo ose wola kandji,
Ndo nde ayoshimbɛ nsɛnɔ* y’ase wola.
14 Nde ayowatsha* oma lo dihɛnyɔki ndo oma l’awui wa ngala,
Ndo dikila diawɔ diayonga la nɛmɔ lo washo ande.
15 Nde alombe ndo alongole paonyi ya la Shɛba.+
Alɔmbɛlɔ wasalemake dikambo diande tena tshɛ,
Ndo nde atshɔkwamake lushi l’otondo.
16 Mbo ya ndɛ yayoyala efula la nkɛtɛ;+
Yɔ yayonga tshavutshavu lo tɔsɔdi t’akona.
17 Lokombo lande latshikalake pondjo pondjo,+
Ndo lɔ latetemalake edja tshɛ kayongaka wonya.
Anto kawoyakondjiɛke ɛtshɔkɔ lo tshimbo yande;+
Wedja tshɛ wate dia nde ekɔ l’ɔngɛnɔngɛnɔ.
Aamɛɛ ndo Aamɛɛ.
20 Lanɛ mbambokomɛ alɔmbɛlɔ wa Davidɛ ɔna Jɛse.+